يسرا تكشف كواليس مسلسلها الجديد «1000 حمد لله على السلامة» في رمضان (فيديو)

تحدثت الفنانة يسرا عن كواليس مسلسلها الجديد "1000 حمد لله على السلامة"، الذي من المقرر عرضه في موسم رمضان 2023.

قالت الفنانة يسرا خلال لقاءها مع برنامج it's show time: "إحنا مفيش ورانا في الكواليس غير إننا نضحك، وصوتنا تقريبًا بيجيب طنطا، ومعايا أساتذة كبار وكوميديانات مهمة جدًا، وهما كاست هايل وعظيم".

عنبة في أول تجربة له بالتمثيل

وعن تمثيل عنبة لأول مرة، أضافت: "مكنتش فاكرة كده لما شوفته كنت فكراه مثل قبل كده وسألته قالي لا أول مرة، وبيطلع منه ايفيهات حلوة وعامل شغل حلو قوي، ومكنتش عرفاه قبل كده ممكن أكون سمعت حاجة ليه بس معرفش إنه هو، وطلع شخصية جميلة جدًا".

كواليس مسلسل 1000 حمد لله على السلامة

وتابعت يسرا: "الأسرة اللي قدام الكاميرا هي هي اللي ورا الكاميرا، ومبعرفش أشتغل مع حد مش مرتحاله ومش مأمنة على نفسي معاه، وأنا مأمنة على نفسي مع الناس دي، والمخرج دمه خفيف جدًا وبيقولنا إيفيهات نطلعها في المسلسل".

مسلسل 1000 حمد لله على السلامة

المسلسل من بطولة الفنانة يسرا، شيماء سيف، عنبة، آدم الشرقاوي، أوتاكا، مايان السيد، سما إبراهيم، صفاء جلال، وغيرهم من الفنانين، ومن إخراج عمرو صلاح، ويتم عرض المسلسل عبر شاشة قنوات cbc في رمضان.