علي الحجار: «كنت ضحية في برنامج رامز وبنتي مستنية تشوفني»

أعرب المطرب علي الحجار عن استياءه بالمشاركة في برنامج "رامز نيفر إند"، الذي يُعرض عبر شاشة قناة mbc مصر، مؤكدًا أنه تورط في ذلك.

قال المطرب علي الحجار في تصريحاته لبرنامج "اللعب مع الكبار" مع الإعلامية هبة حسن، المذاع عبر راديو إنرجي 92.1: "اتورطت ورطة كبيرة باللي حصل معايا في برنامج رامز والمقلب اللي عمله فيا".

علي الحجار: بنتي مستنيه تشوفني مع رامز

وأضاف: "المقلب اللي عمله ده بيدل إن رامز مش عارف قيمتي وإني شخص مليش في المقالب واللعب، إحنا بنتفرج عليه كل يوم على الفطار، وبنتي بتحبه ومستنيه تشوفني في المقلب بس هى مش حاسه إني إتهانت بالموقف ده".

وأكمل حديثه، قائلًا: "الغريب في الموضوع إن رامز في مقدمة البرنامج اتكلم عن تاريخي ومشواري، بس للأسف أنا كنت ضحية ليه في البرنامج ده".

برنامج رامز نيفر إند

يُعرض برنامج "رامز نيفر إند" يوميًا على قناة mbc مصر بعد آذان المغرب مباشرة، ويستضيف عدد كبير من الفنانين، أبرزهم: محمد فؤاد، أحمد السقا، مصطفى كامل، إيمان العاصي، هنادي مهنا، محمد فراج، رنا رئيس، ياسمين عز، وغيرهم.