ميس حمدان تكشف تفاصيل خلافها مع خالد يوسف بسبب رفضها لتقديم المشاهد الساخنة.. فيديو

كشفت الفنانة ميس حمدان، تفاصيل خلافها مع المخرج خالد يوسف، وسبب رفضها لتقديم المشاهد الساخنة بفيلم "ويجا"، والتي قدمته بعد ذلك الفنانة دوللي شاهين بدلا منها.

ميس حمدان تكشف تفاصيل خلاف مع خالد يوسف بسبب المشاهد الساخنة

وقالت ميس حمدان، خلال لقائها مع الإعلامية أميرة بدر، على قناة "هي"، حصل خلاف بيني وبين المخرج خالد يوسف، عندما كان "عايزني في الدور بتاع دوللي شاهين، في فيلم ويجا، وروحت وقتها المكتب بتاعه وكان فيه هاني سلامة، وكان بيقنعني بهذا الدور، ولكني ساعتها كان عندي تمسك فظيع، إني مش أقدر أقدم مشاهد القبلات والمشاهد الساخنة بهذا العمل".

وأضافت: "كان خالد يوسف بيقولي إنتي كده مش فنانة، وبطلوا الطريقة دي، وأنتوا اللي بوظتوا الفن، ده زمان الفنانين ما كانوش بيفكروا بطريقتكم دي وكانوا محترمين برضوا، هو الصراحة ليه وجهة نظر وتُحترم، ولكن أنا حسيت إني هتحط في زاوية معينة، قولتله طب إديني فرصة أروح البيت أسأل ماما، لأن أنا مكنش عندي الجرأة إني أعمل المشاهد دي".

واستكملت: "لذلك اعتذرت عن تقديم هذا الدور، وقولتله أنا مش هقدر أعمله، ولكن خالد يوسف زعل وهزقني وقالي اللي زيك هو اللي بوظ الشغلانة، وبعد ذلك الصحافة عرفت إني كنت هعمل الفيلم، والمخرج كلمني وقتها وإداني على دماغي وقالي إنتي عايزة تشهري نفسك، ومتجبيش اسمي تاني على لسانك".