علا غانم عن اتهام طليقها بالبخل: مش هصرف على راجل أكبر مني بـ15 سنة.. فيديو
ردت الفنانة علا غانم، على زوجها السابق الذي قال إنها بخيلة وتخاف من إنفاق دولار أو جنيه واحدا، متابعة: "دي اسمها فضايح وشرشحة، المفروض أرد على الكلام ده ازاي؟َ! أرد بفضايح تانية؟ مش هنزل للمستوى المتدني ده".
وأوضحت الفنانة علا غانم، خلال لقاءها مع بسمة وهبة، مقدمة برنامج "العرافة"، المذاع على قناة المحور: "اتفقت معاكِ على إننا مش هنتكلم في الموضوع ده، لكن أنتي قلتي لي هسأل سؤالين عشان الناس عاوزة تعرف حاجات، وسألتيني أكتر من سؤالين، كأنك بتروجي لأكاذيبه، وعامة أنا مش هصرف على راجل، أصرف عليه ليه؟ هو أصغر مني؟ ده أكبر مني بـ 15 سنة".
ليه مطلعنيش زي أي حد محترم
وأعربت الفنانة علا، عن استيائها من عرض مقطع فيديو لزوجها السابق، قائلة: "مش عاجبني أنك تعرضي فيديو، لأني مبحبش لا أسمع صوته ولا أشوفه، وكل كلامه كذب"، متسائلة: "ليه عايش معايا لما أنا بخيلة، مطلقش ليه؟ ليه الفضائح دي كلها؟ ليه ميطلقنيش في سكوت وشياكة زي الرجالة المحترمة".
