«هي تريد المساندة».. شهيرة تطالب بدعم شيرين بعد سقوطها على المسرح

وجهت النجمة المعتزلة شهيرة، رسالة دعم للنجمة شيرين عبد الوهاب، بعد التنمر على سقوطها وهي على المسرح، خلال حفلها الأخير في دبي.

رسالة شهيرة بعد التنمر على سقوط شيرين

وكتبت شهيرة، عبر حسابها الشخصي بموقع التواصل الاجتماعي فيسبوك: "شوفوا بقى أنا عمري ما اتكلمت في أي وقت عن أزمة شيرين لأنها حاجه شخصية وندعيلها وخلاص ربنا يخرجها منها علي خير، لكن اضطريت اتحشر لأن اللي بيحصل ده كتير".

وتابعت: "كلنا عارفين أزمتها والست بتحاول وتجاهد أن تخرج منها بأنها بتسترد نفسها وفنها وتاريخها الجميل اللي طالما أسعدتنا به، فلا نقسوا عليها ولا نكسرها لمجرد أنها وقعت على المسرح زيها زي كتير، ونجيب القديم والجديد، إيه يعني؟ بنتلكك ولا إيه".

واستكملت: "شيرين في النهايه إنسانة تخطأ وتصيب، وشيرين زي ما إنتوا عارفين من المطربات السوبر اللي يتعدوا على أصابع اليد الواحدة، ولا نريد أن نخسرها هي تحتاج لجمهورها اللي بيحبها، لا تحبطوها هي تريد المساندة، وبتقولكم أنا رجعت أهو لحضنكم، فلنمد لها يد الحب والعطاء فقد أعطتنا سنين طوال أمتعتنا فيها بفنها فلا نبخل عليها بيد الاحتواء والمساندة، على فكرة عمري ما أتقابلت أنا وشيرين شخصيا ولكنها مشاعر".