«داير وكان عارف».. بسمة وهبة تبرئ ريم طارق من تصريحات حسن شاكوش

برئت الإعلامية بسمة وهبة ، ريم طارق زوجة المطرب حسن شاكوش ، من التصريحات الأخيرة لزوجها بشأن عدم علمه بأنها كانت متزوجة من قبل، مؤكدة أنه كان يعلم بزواجها.

قالت الإعلامية بسمة وهبة خلال لقاءها مع برنامج et بالعربي : "في كلام بيتقال يدين ريم طارق وأنا هبرأها منه، وبيتقال إنها كذبت على حسن شاكوش في إنها كانت متجوزة قبله، لكن لا هي مكذبتش".

بسمة وهبة تبرئ زوجة حسن شاكوش

وتابعت: "عشان وهي قاعدة معايا لما كنت بهاجمها وبقولها إنتي سجدتي شكر لله وده كان شو، قالتلي لا أنا كنت مبسوطة، وكنت حاسه إن ربنا عوضني عن تجربة سابقة عانيت فيها، وطبيعي اللي كانت تقصده تجربة الزواج".

وأضافت بسمة: "الناس قالت إن حلقة حسن شاكوش كان فيها خراب بيوت، وأنا قولت كده في الحلقة إن كلام شيخ العرافين خراب بيوت، وفي حاجات كتير اتشالت في المونتاج واتخانقت مع شيخ العرافين عشان بيخرب البيوت والناس بتهاجمني".

واستكملت حديثها، قائلة: "لو أنا السبب في الطلاق بين حسن شاكوش وريم طارق زي ما الناس قالت، كانوا اتطلقوا بعد ما الحلقة خلصت على طول، مكانوش استنوا لبعد العيد ورمضان وكل الفترة دي".

اقرأ أيضًا: وفاة الفنان فهد الحيان بأزمة قلبية حادة.. 10 معلومات عن النجم السعودي

بسمة وهبة توجه رسالة لحسن شاكوش

واختتمت بسمة وهبة حديثها، قائلة لحسن شاكوش: "عايزة أقوله إنت أكيد كنت عارف إن ريم كانت متجوزة قبل كده، وهى كانت رافعة قضية على جوزها السابق وأكيد دي حاجة مش هتستخبى عليك، وانت داير ومش ممكن واحدة تكدب عليك وتقول إنها آنسة وهي كانت متجوزة قبل كده".