«حطيت رجل على رجل قدامه».. عمرو رمزي يروي موقف كوميدي جمعه بالزعيم عادل إمام

بمناسبة عيد ميلاد الزعيم عادل إمام، روى الفنان عمرو رمزي موقف جمعه بالزعيم في كواليس تصوير مسلسل "فرقة ناجي عطالله"، الذي تم عرضه عام 2012.

نشر الفنان عمرو رمزي عبر صفحته على "فيس بوك" صورة تجمعه بالفنان عادل إمام، وعلق: "في مسلسل فرقة ناجي عطالله الأستاذ عادل إمام وإحنا في بيروت كنا بنصور مشاهد الجبال اللي هربنا فيها بعد سرقة البنك وكنا بنصور في بيت لبناني حلو قوي، خدنا استراحة عشان ناكل وفجاة الأستاذ عادل إمام قالي برنامج حليهم بينهم كان بيضحكني قوي".

موقف كوميدي يجمع عادل إمام وعمرو رمزي

وأضاف: "قالي إنت كنت غلس قوي بس عملت ضحك بتاعك إنت لوحدك، أنا فاكر الكلام ده بالحرف وقولتله يا أستاذ ده برنامج مش فيلم سينما، قالي هى دي عبقريته يا عبيط والبرنامج ده هيعيش كتير، فهزرت وقولتله طيب ما تيجي نعمل حيلهم بينهم سوا قالي عايز تاخد اللقطة يعني قولتله بصراحة اه".

وتابع عمرو رمزي: "جابوا كرسي وقعدت وحطيت رجل على رجل قدامه وقالهم صورونا وقولت 1، 2، 3، وقولتله ليه كل أعمالك فشلت، كل سنة وإنت طيب وبألف خير يا زعيم الضحك في العالم كله".

اقرأ أيضًا: عمرو دياب يرفع شعار «كامل العدد» في حفل الكويت بعد نفاذ جميع التذاكر