زوج في دعوى نشوز: «مراتي شكاكة وعايزة باسوورد الفيسبوك»
حضر زوج إلى محكمة الأسرة بمدينة نصر لرفع دعوى نشوز ضد زوجته بسبب تمسكها بالحصول على كلمة السر لمواقع التواصل الاجتماعي الخاصة به.
قال الزوج أمام قاضي محكمة الأسرة بمدينة نصر: "تزوجت من فتاة مثقفة من 3 سنين وكنا متفاهمين جدا وبنحب بعض، اتفقنا كل واحد يحترم خصوصية الآخر ونعمل على إسعاد بعضنا البعض، لكن بعد كام شهر جواز اتغيرت وبقت بتتهمني بالخيانة وتشكك في كل تصرفاتي".
زوجة في دعوى خلع: مبيستحماش وجيراني بيعايروني بريحته الوحشة
وأضاف: "لو فاتح التليفون وبضحك تشك فيا وتتخانق وتزعق ومصممة يا تاخد الباسوورد يا تروح عند أهلها، مؤخرا أصحى ألاقيها بتحاول تفتح التليفون قولت أديها الباسوورد وأخلص اتهمتني إني عندي أكونت تاني ومداريه عليها لحد ما فاض بيا".
لجأ الزوج إلى محكمة الأسرة لرفع دعوى نشوز ضد زوجته حملت رقم 1970 لعام 2021، ولا زالت منظورة أمام المحكمة حتى الآن لم يفصل فيها.
