ريهام سعيد تعلق على إهداء حمو بيكا لزوجته قلادة ذهبية: «ابن ناس ومتربي»
علقت الإعلامية ريهام سعيد، على الفيديو الذي انتشر لمطرب المهرجانات حمو بيكا بعد أن قدم لزوجته هدية عبارة عن "قلادة ذهبية" احتفالا بعيد ميلادها.
وقالت ريهام سعيد في برنامجها "صبايا" الذي يعرض عبر قناة "الشمس":حمو جاب لمراته كيلوهات من الدهب، وده لأنه عنده قدرة من العطاء لأمه ولأبوه وغير طبيعية.. وبيبوس إيديها بجد مش تمثيل.. وعملها فرح مش عيد ميلاد وضحكته من القلب، وده لأنه راجل بيحب بجد، حمو بيكا راجل جميل وطيب أوي عشان كدا ربنا بيكرمه بجد وفي الأزمات اللي مر بيها كل الناس تخلت عنه وهي وقفت جنبه.
وأضافت ريهام سعيد: المحترم محترم، وحمو بيكا كريم، لكن في ناس معاها وبتستخسر لكن هو بيعشق مراته، وبالرغم من من أن حمو مش متعلم وجاي من بيئة عادية ولما بقى نجم استمر مع مراته متخلاش عنها دا ابن ناس.. مبسوط بمراته وفرحان بيها، ومتربي وبيعرف يعامل الست، ابن ناس لا بيضربها ولا بيعنفها ولا بيطردها من البيت.. بوس إيد الست متطلعش غير من إيد ابن الناس.
اقرأ أيضًا: روجينا تعلن تكريمها هي وأشرف زكي في الاسكندرية.. فيديو
