الرئيس السيسي: أنا مع ربنا ومش بقلق من دردشة السوشيال ميديا

أكد الرئيس عبد الفتاح السيسي، أنه لا يشعر بالقلق من السوشيال ميديا، مضيفا: "مبقلقش خالص من موضوع السوشيال ميديا لأنني أعلم أنها عبارة عن دردشة الناس مع بعضها بس بقت على الهواء، الناس كانت زمان بتقعد على القهوة لكن دلوقتي بيقعدوا على الفيس يتكلموا".

اقرأ أيضا: الرئيس السيسي: «إحنا مش بندي أهالي البحيرة من جيبنا.. ده حقهم»

وأضاف الرئيس السيسي، خلال لقاءه أهالي قرية الأبعادية في محافظة البحيرة، خلال زيارته للقرية لافتتاح عدد من المشروعات ضمن مبادرة "حياة كريمة"، اليوم الأربعاء، وإذاعته فضائية "إكسترا نيوز": "في النهاية كل واحد مننا في مكان بيشوف اللي بيتعمل، لو حد اتعامل مع مستشفى قدمت له خدمة كويسة بنشوف، لو حد بيتعامل مع مدرسة ولقاها كويسة بنشوف، ربنا مهيمن وماسك الدنيا وإحنا مع ربنا".

وتابع الرئيس السيسي: "الدولة النهاردة بتجري فوق طاقتها من خلال المشروعات"، مؤكدا أننا سنتجاوز أي أزمة بفضل تكاتف الشعب مع الدولة".

ووصل الرئيس عبد الفتاح السيسي، اليوم الأربعاء، إلى قرية الأبعادية بمحافظة البحيرة لافتتاح عدد من مشروعات "حياة كريمة" والتقى بعدد من الأهالي والقيادات الشعبية بالمحافظة.

وتفقد الرئيس عبد الفتاح السيسي، مجمع الخدمات الزراعية والوحدة الصحية ومجمع دار المسنين بقرية الأبعادية في محافظة البحيرة، وهي مشروعات تم إقامتها ضمن مبادرة "حياة كريمة".