بوسي: «طليقي كان كاتب عليا وصلات أمانة وشيكات.. ومش حاسة بالذنب تجاه أبويا»
تحدثت المطربة بوسي عن تفاصيل معرفتها بخبر وفاة والدها، وكشفت عن سبب غيابها عن حضور الجنازة، وذلك خلال لقائها في برنامج "حبر سري"، والذي تقدمه المذيعة أسما إبراهيم، على قناة "القاهرة والناس".
سبب غياب المطربة بوسي عن جنازة والدها
وقالت الفنانة بوسي: "ساعة وفاة والدي كنت تعبانة وعندي نزلة معوية، وكنت قافلة تليفوني، أنا كنت معلقة محاليل ومحدش كان عارف يوصللي، وماعرفتش غير بعدها بيومين، وسألت لو عليه ديون لحد يبلغوني وأنا أدفعها، وعرفت إنه مش مديون".
وأردفت بوسي: "أنا كان نفسي أكون جنب والدي قبل وفاته، ولكن هو طول الوقت مكانش موجود ومش حاسة بالذنب تجاهه وعمري ما قصرت معاه، وكنت بشوفه لما بنزل الزقازيق، وكان بقالي فترة مشوفتوش ممكن سنين بس مش طويلة".
أبرز تصريحات بوسي عن علاقتها بطليقها
كما تحدثت بوسي خلال حوارها مع أسما إبراهيم، عن علاقتها طليقها، وقالت: "عمري ما همنع ابني يشوف أبوه، وهو اللي مش عايز يشوفه، وابني مقاليش أنا عايز أشوف أبويا، وهو مش بيصرف عليه وأنا متكفله بيه بكل حاجة".
اقرأ أيضًا: «لقاء السحاب».. محمد إمام يروج لفيلمه الجديد مع هذا الفنان
وأضافت لوسي: "أنا كنت مقهورة من طليقي وصبرت عليه عشان خاطر ابني، وكنت عايشة معاه غصب عني، ومكنتش حابة العيشة دي وكنت محبوسة وديما متراقبة وكان كاتب عليا وصلات أمانة وشيكات عشان مرفعش قضية خلع".
