أحمد مراد: «فيلم الأصليين منجحش بس بعتز بيه وهند صبري بتخوف في مذاكرتها»
تحدث الكاتب والسيناريست أحمد مراد عن كواليس أشهر أعماله وهو فيلم الفيل الأزرق وتكلفته المادية، إلى جانب حديثه عن تجربته في فيلم الكويسين الذي لم يحقق النجاح المتوقع وقت عرضه في السينمات.
وقال أحمد مراد خلال لقاءه مع الإعلامي معتز الدمرداش في برنامج ضيفي: فيلم الفيل الأزرق اتصرف عليه بطريقة مختلفة بسبب الجرافيك، واستخدمنا طريقة جديدة وهي إننا نحترم عقلية بنتي اللي بتتفرج على أفلام هوليود، وكان لازم يكون في نوع من أنواع التوازن عشان ميكرهوش السينما".
تصريحات أحمد مراد
وتطرق أحمد مراد بالحديث عن فيلم الأصليين، قائلًا: "فيلم الأصليين من الأفلام اللي مجبتش إيرادات في السينما، ولكن هو من أكتر الأفلام اللي بعتز بيها وبحس إن الحوار بتاعه مكتوب بشكل أنا مبسوط بيه، وفيلم الفيل الأزرق مش أجمل أفلامي، بعد الفيلم أنا ومروان حامد حسينا إنه معطل لينا لإن الناس مستنيه العمل ده، فقررنا نختبر النجاح ونعمل حاجة مش هنعملها تاني فيلم تجريبي وكأننا بنعمل مشروع لمعهد السينما".
أما عن تعامله مع الفنانة هند صبري والفنان كريم عبد العزيز، قال أحمد مراد: "هند صبري بتخوف من كتر مذاكرتها، كريم عبد العزيز بيتنقل من حالة لحالة، ماجد الكدواني عنده اتقان رهيب للدور".
اقرأ أيضًا: أحمد مراد عن رواياته: «تراب الماس مرعبة وفرتيجو أصابتني بالتسمم»
