«هي زعلانة عليه ولا شمتانة فيه».. جمهور إيمان البحر درويش يهاجم ابنته
تعرضت ابنة الفنان إيمان البحر درويش، من فجر اليوم، للانتقادات اللازعة بسبب نشرها صورة لوالدها وهو على فراش المرض معلقة عليها قائلة :«يشهد التاريخ أن دا بقى إيمان البحر درويش».
ابنة الفنان إيمان البحر درويش تنشر صوره على فراش المرض
وقد أثار منشور ابنة الفنان إيمان البحر درويش، غضب واسع من قبل جمهوره على مواقع التواصل الاجتماعي خاصة بفيسبوك، الذي اعتبروه متاجرة بمرض والدها فيما وصفها الآخرين بعد احترامها لحرمة مرض والدها وتصويره في هذه اللحظات الخاصة جدا.
وجاءت ردود الأفعال كما يلي:
كتبت سيدة تقول: "خسارة معرفش يربيكي ربنا يشفيه ويعفي عنه وحتى لو نيتك سليمة أنك عايزة الناس تدعيله مش هيبقى ده الكبشن المناسب للصورة عقبال ما ولادك ينزلو صورتك كده ويشهدا التاريخ".
وعلقت سامية حنفي قائلة: "هي بتعمل ليه كده ليه لو عاوزه الناس تدعي له تطلب من غير صورة الناس كلها بتحبه بتدعي له لكن نيتها مش سليمة وربنا يدي كل واحد على قد نيته، الدنيا دوارة ويمهل ولا يهمل".
بينما قالت ريهام مجدي: "لأي سبب أنا ضد فكرة إنها تنزل صورة باباها كده أنا لما بابا كان تعبان مكنتش حبه إن حد من القريبين مننا يشوفه كده مش دي منزلاها عالنت إزاي أوري ضعف أبويا ومرضه كده قدام الناس".
وقالت نهى فوزي: "كان ممكن تكتفي بالكتابة من غير صور وتقول ادعوله لكن للأسف مبقاش في حرمات".
وكتبت نهى عاشور: "فعلا الكابشن مستفز جدا أنتي بتفرجس العالم على إيه طيب اكتبى أسألكم الدعاء".
وقالت دعاء حامد: "فعلا صعب جدا كان ممكن تطلب الدعاء له بظهر الغيب دون وضع صورته بهذه الحالة".
وكتبت موكه كوكي تقول: "فعلا حاجة تحزن أنها تقول أصلا سيشهد التاريخ إن ده هو إزاي تنزلي صورته وهو كدا أكيد مش عايز حد يشوفه كدا ولا الصورة هتغير حاجة ف مجري قضية أخوكي للأسف تصرف مش صح خالص".
وفي سياق متصل كشف النقيب العام لنقابة المهن الموسيقية، الفنان مصطفى كامل، أنه تفاجئ بصور درويش مثل الجمهور، ويبحث عن أرقامه أو أحدًا من أسرته، كي يتخذ كافة الخطوات التي يجب على النقابة اتخاذها تجاه أعضاءها.
وكان مصطفى كامل قد قال في تصريحات سابقة له : «أنا قولت لـ إيمان البحر درويش لو مفيش فلوس تدفع بيها معاشات الموسيقيين فأنا هسلف النقابة من جيبي».
اقرأ أيضاً: بعد واقعة إيمان البحر درويش.. حكم الشرع في تداول صور المرضى
