عايدة رياض عن فيلم اللعب مع الكبار: «مشهد الضرب مع عادل إمام كان بجد وصورناه من أول مرة»

استعادت الفنانة عايدة رياض ذكرياتها مع كواليس أشهر أفلامها "الكيت كات"، ومشهد الضرب الذي جمعها بالفنان عادل إمام في فيلم "اللعب مع الكبار"، وذلك خلال لقاءها مع الإعلامي عمرو الليثي في برنامج "واحد من الناس" المذاع عبر شاشة قناة الحياة.

قالت عايدة رياض عن فيلم "اللعب مع الكبار": مشهد الشجار بيني وبين عادل إمام ذكريات حلوة جدًا، أستاذ شريف عرفة صوره من أول مرة وقبل المشهد اتفق على الحركات، لما كنا بنعمل بروفة عادل إمام قالي أنتي رياضية والضرب على الهوا ولما بدأنا تصوير لقيته بيضرب بجد رحت ضربته، كل الضرب كان حقيقي".

تصريحات عايدة رياض

وتابعت عايدة رياض قائلة: "أستاذ عادل فيه ميزة إن لو فيه كلوز ليك هو بيقف وقليل اللي يعمل كده، كان بيفضل واقف قدامي عشان يديني الإحساس كنت بقوله اتفضل أنا هكمل لكن كان بيرفض ويفضل واقف".

وعن فيلم "الكيت كات"، قالت عايدة رياض: "فيلم الكيت كات فيه قبلات وبيقولوا إن فيه إغراء لكن الفيلم لسه عايش بينا، وده كان بسبب المخرج أستاذ داود عبد السيد كان بيتكلم معايا يفهمني قبل المشهد، كان بيقولي بصي يا عايدة أنتي في المشهد مع حب حياتك شريف منير عايز أحس إنك بتحبيه، هو بيحب الإحساس قوي والسينما إحساس".

اقرأ أيضًا: بعد نشر صورته على فراش المرض.. بيان عاجل من نقابة الموسيقيين بشأن إيمان البحر درويش