ياسمين عز: فيها إيه لما جوزك يتجوز سلفتك؟
تستمر المذيعة ياسمين عز، في إثارة الجدل عن طريق تصريحاتها الغريبة والمستفزة للسيدات، وآخرها زواج الرجل من أرملة شقيقه، لافتة إلى أن ذلك أولى من زواجها للغريب.
أبرز تصريحات المذيعة ياسمين عز المثيرة للجدل
وقالت "عز"، خلال تقديمها حلقة برنامجها "كلام الناس"، المذاع عبر قناة "إم بي سي مصر" الفضائية مساء أمس الجمعة، إن زواج الأخ من أرملة أخيه ينفذ في عائلات كثيرة سواء عن طريق الرضا أو الإجبار، موجه سؤال للسيدات: «هل تقبل الزوجة أن يتزوج زوجها من أرملة أخيه؟".
وتابعت: "الراجل بيعمل ده لهدف نبيل، لأنه بكدا بيحافظ على ولاد أخوه من الضياع تيجي إنتي تتضايقي".
وأضافت: "المثل بيقول اللي تعرفه أحسن من اللي متعرفهوش يعني لما تبقي سلفتك عرفاها ده أحسن ما يجيب واحدة غريبة عليكي".
وواصلت حديثها: "فاكرين مسلسل الضوء الشارد، ورفيع بيه لما كان عايز يتجوز أرملة أخوه فرحة، كنتم بتشجعوه عشان يتجوز البطلة، أنا لا أعارض ولا أشجع هذا الفعل، لكن ليه بتشجعوه في المسلسلات والحقيقة بترفضوه".
اقرأ أيضًا: ياسمين عز: «مينفعش تكلمي جوزك في التليفون وأنتي حافية»
