عمرو أديب يفتح النار على ميدو: «مشكلتي مع مرتضى بسببك.. فاكر قال عنك إية؟»

فتح الإعلامي عمرو أديب، النار على أحمد حسام ميدو نجم الزمالك السابق، بسبب الأزمات التي يعاني منها القلعة البيضاء الفترة الأخيرة، وتسائل ميدو عن سبب توتر علاقة أديب مع مرتضى منصور رئيس الأبيض المعزول.

وقال عمرو أديب في تصريحات عبر برنامجه "الحكاية" المذاع على قناة "إم بي سي مصر": "ميدو اللي بيدافع عن مرتضى منصور، وطلع من كام يوم بيقولي أصل انت عندك مشكلة مع مرتضى".

وتابع: "أنا مشكلتي مع مرتضى ابتدت بسببك يا ميدو، لما قالك أنا هعلقك من رجلك في الاستديو لو طلعت مع عمرو أديب، وقالي أنا هقفل المحطة لو ميدو ظهر معاك".

وواصل: "يومها أنا خدت المسئولية على نفسي وقولت لا ميدو هيطلع معايا وهيتكلم، طيب فاكر يا ميدو يومها مرتضى قال عليك إيه؟ فاكر قال بيتعمل فيك إيه يا ميدو؟".

اقرأ أيضًَا: بالمستندات.. حسين لبيب يرد على اتهامات مرتضى منصور

واختتم عمرو أديب تصريحاته: "طب فاكر بعدها لما كلمتني وقولتلي يا عمرو أنا هتصالح مع مرتضى، عشان كل شوية بيشتمني، وأنا مش عايز حد يشتمني".