الحوادث

نص التحقيقات الكاملة لسيدة بترت العضو الذكري لزوجها بالمطرية

الأحد، 23 يوليو 2023 06:52 مـ بتوقيت القاهرة

شهدت منطقة المطرية جريمة غريبة من نوعها، بعد إقدام سيدة على بتر العضو الذكري لزوجها بسبب معاشرته لها كرها وهي نائمة وعاقبتها محكمة جنايات القاهرة بالسجن المشدد 10 سنوات.

ونصت التحقيقات في القضية، على اعترافات السيدة التي تدعى "سامية. ف"، أنها قطعت العضو الذكري لزوجها عرفيًا المجني عليه أسامة "خ. ف"، عمدا باستخدام سلاح أبيض «سكين» وإلقائه في القمامة ثم في الشارع.

وأعترفت السيدة بالتحقيقات: "أنا ضربته بس مكنش قصدي أموته، والسكينة دي كانت عندنا في الشقة، واللي حصل إني منفصلة عن جوزي من حوالي 13 سنة واتعرفت على أسامة من حوالي سنتين وأنا كنت عاوزة اشتري شقة علشان عاوزة أقعد فيها لوحدي ومنفعش أخد شقة باسمي وأسامة كان معايا وأخدت أنا وهو شقة باسمه وأنا دفعت فلوسها".

واصلت السيدة المتهمة في التحقيقات حديثها قائلة: "كنا مش بنام مع بعض وأنا كنت بنام كل يوم لوحدي في الشقة في أوضة وكنت باخد برشام منوم كل يوم علشان أعرف أنام وهو بینام في أوضة تانية وكل ما أصحي الصبح ألاقي نفسي متبهدلة وكأن حد كان معاشرني جنسيا".

واعترفا المتهمة خلال التحقيقات بانها قامت بقطع العضو الذكري لزوجها ، قائلة: "في يوم كنت نايمة وبصحي لقيته بيعاشرني وكان حالته مش طبيعية زي ما يكون شارب حاجة، فأنا قلتله بتعمل إيه وبعد كده ببص لقيت فيه سكينة على الترابيزة جنب السرير ورحت على طول جبت سكينة وقطعت عضوه الذكري والحتة اللي قطعتها رميتها في الزبالة ورميت الزبالة في الشارع وسبت الشقة ومشيت".

أمرت جهات التحقيق بإحالة المتهمة "سامية. ف"، في القضية إلى محكمة الجنايات المختصة بدائرة محكمة استئناف القاهرة لمعاقبتها للتعدي على المجني عليه "أسامة. خ"، مع سبق الإصرار بأن بيتت النية وعقدت العزم على ضربه لوجود خلافات بينهما، ودست عقار منوم للمجني عليه بمشروب وما أن غلب عليه النعاس حتى بترت عضوه الذكري مستخدمة في ذلك سلاح أبيض، قبل أن تعاقب محكمة الجنايات المتهمة بالسجن المشدد 10 سنوات.