حمدي بتشان: «الأساتوك خلتني ألف العالم»

تحدث الفنان حمدي باتشان، عن بداياته الفنية خاصة نجاح أغنيته الشهيرة "الأساتوك"، وذلك في أثناء حلوله مع صناع أغنية "سطلانة" ضيوفا في برنامج "صاحبة السعادة" مع الفنانة إسعاد يونس، عبر قناة dmc.

قال حمدي بتشان خلال اللقاء: "في البداية اتفق معايا منتج نعمل شريط، وأنا كنت محضر 8 أغاني أصلا، وقالي هنسجلهم، أنا كنت سافرت تونس عشان حفلة، ورجعت لقيت مطرب تاني هو اللي غنى الشريط".

تصريحات حمدي بتشان مع صاحبة السعادة

وتابع: "بعد الموضوع ده عملت شريط الأساتوك، وفي الأول كنت رافض أغنيها، لأني بغني مواويل والأغنية دي المهندس عمر فودة عاوزني أتخانق فيها مش أغني، لأنه واحد عاكس واحدة، المنتج قال لي لو غنيتها هديك باقي فلوسك، فاضطريت أغنيها، وفعلًا سبحان الله الأغنية دي لففتني العالم كله".

أما عن أغنية "سطلانة"، أضاف حمدي بتشان: لما قالولي على الأغنية دي ما اتأخرتش لحظة، عشان العمل جماعي فيه 4 مطربين في فيلم، وكل واحد فينا اجتهد وعمل اللي عليه، الحمد لله ربنا كلل مجهودنا بالنجاح، وإن لاعب الأهلي طاهر محمد يحطها في الكاسيت ويشغلها وكل الناس تغنيها، ده بسبب إن أي شغل جواه حب بيعلم المعجزات، عمرنا ما بنفكر إن أي أغنية هتفرقع وتكسر الدنيا".

اقرأ أيضًا: بشخصية نوارة الغجرية.. وفاء السيد تشارك في مسرحية قمر الغجر