«واحدة فاكرها غسالة».. بدلة فضاء تثير سخرية السوشيال ميديا
أثارت بدلة الفضاء «إيفا اسبيس» سخرية رواد مواقع التواصل الاجتماعي بعد انتشار صورها عبر «الفيسبوك» حيث حصدت البدلة الفضائية على آلاف المنشورات الساخرة نظرًا لطريقة صنعها المضحكة للبعض والتي اعتقدها الآخرين بأنها مغسلة جديدة للملابس.
وبدأ رواد التواصل الاجتماعي يتداولون صورًا لـ بدلة الفضاء إيفا اسبيس ويعلقون عليها بشكل ساخر معلنين بأنها أنتجت بأيدي مصرية حيث قال أحد النشطاء: "دي بقى بدلة فضاء اللي العالم ميعرفش ينتج لا قبلها ولا بعدها ولا حتى زيها.. أول وآخر واحدة في الكون".
تعليقات ساخرة على بدلة الفضاء إيفا
وتابع: "ثم دي الوحيدة اللي تنفع داخلي وخارجي في نفس ذات الوقت.. وده أوبشن عمر ما حد فكر فيه قبل كده..الأهم من ده اسمها إيڤا لأن زي ما انتو شايفين من شكلها إنها مناسبة بس لمخلوق فضائي اسمه إيڤا من كوكب أورانوس وده بيكون شكلهم".
وواصل شخص آخر: "عوض علينا عوض الصابرين يارب، مصر أنتجت أول بدلة فضاء اسمها Eva Space Suit بدله الفضاء واضح انها لواحد قصير اوي و ايده طويله او عشان نضحك الإخوة الفضائيين".
حكاية بدلة الفضاء
ولكن بعد البحث عن حقيقة بدلة الفضاء النتجة من أيدي مصرية اتضح أنها كانت مشروع تخرج من تصميم طلاب كلية علوم الفضاء بجامعة بنى سويف حيث علقت الدكتورة ياسمين عبد العزيز خبيرة النسيج واستاذ تكنولوجيا النسيج بجامعة بني سويف على سخرية رواد التواصل الاجتماعي لا قائلة:"المصريين دول لطاف".
وقالت عبد العزيز:"المصريين لطاف أوى وهم بيتريقوا على مشروع بدلة الفضاء اللى احنا عملناه، وواحدة ذكية أوى بتقول ورائد الفضاء هيدحرج ولا هيمشى وناسية أصلا أن برا مفيش جاذبية وكله طافى فى الفضاء، وواحدة فاكراها غسالة عشان مكان الخوذة دائرى".
تصميم بدلة الفضاء المصرية
وتابعت حديثها عن السخرية التي حصلت عليها من السوشيال ميديا:" بس لازم القلشة والهاها وطبعا ولا واحد فيهم فكر يدخل يشوف البدلة بتاعة ناسا أو بتاعة روسيا شكلها أيه وكله عمال يضحك أكننا كنا بنهزر مثلا وعاملين فنكوش".
وأكملت حديثها عن تصميم البدلة: "متعرفوش أن فى كل حتة فى البدلة فى تصميم لميكانيزم حركة وفى هندسة كهربية وإلكترونيات وخامات مختلفة فعلًا والبدلة معمولة على أسس علمية دولية، على فكرة محدش قال أبدا اننا هنطلع الفضا بكرة بالبدلة دى".
اقرأ أيضا: «ناسا» تعلن عن بدلة جديدة لرواد الفضاء خاصة لرحلات القمر | المنوعات | الطريق
