إيمي طلعت زكريا: بابا مات من الحسد بعد فيلم طباخ الريس

كشفت الفنانة إيمي طلعت زكريا كواليس عن حياة والدها الراحل لأول مرة، إلى جانب حديثها عن تعرض والدها الفنان طلعت زكريا للحسد وعلاقته بوفاته.

قالت إيمي طلعت زكريا أثناء حلولها ضيفة مع الإعلامية سارة نخلة: "والدي مكنش بيخاف من الحسد لكن كان بيبقى عارف، يعني مثلًا أول فيروس جاله بعد ما خلص تصوير طباخ الريس قال يارب حاسس إني هيجرالي حاجة بعد الفيلم ده يارب بس متجيش في أولادي".

إيمي طلعت زكريا: بابا كان هيشتغل بالملايين بعد طباخ الريس

وأضافت إيمي طلعت زكريا: "بعد الموقف ده ب ٣ أيام كلمت دكتور أشرف زكي ونقلناه للمستشفى وحصل اللي حصل وتعب جدًا وتوفى في المستشفى".

وعن وفاته بالحسد، تابعت: "فيلم حاحا وتفاحة كان أول بطولة ليه ويعتبر أول أبنائه في البطولة وبسبب طباخ الريس كان هيشتغل بالملايين وشركات الإنتاج كانت بتجري وراه، لكن القدر كان ليه رأى تاني خالص وربنا عايز كده، أنا عن نفسي بشوف إن بابا مات من الحسد".

وروت موقف لها في فرح هنا الزاهد، قائلة: "كنت منزلة فيديو قبل وفاته بكام يوم من فرح هنا الزاهد واحنا بنرقص مع بعض وفيه واحدة كتبتلي راعي الناس اللي أبوهم ميت، فاتخضيت وشيلت الفيديو لإني كنت خايفة عليه ومش عايزة يحصله حاجه، الحسد مذكور في القرآن، وتتعدد الأسباب والموت واحد بس أنا شايفة إن بابا مات من الحسد".

اقرأ أيضا: محمد رياض يعترف: نفسي اتكرم قبل ما أموت وزوجتي مظلومة لهذا السبب