حمو بيكا: «بقينا عايشين حياة جميلة.. ومشفناش الأبراج غير على إيد السيسي»

وجه مطرب المهرجانات حمو بيكا رسالة شكر إلى الرئيس عبد الفتاح السيسي، مشيدا بالإنجازات التي قدمها في مدينة العلمين الجديدة، كما دعا بفرض قانون لمحاسبة كل من يسيء إلى سمعة مصر.

وقال حمو بيكا في برنامج 90 دقيقة: "بشكر الريس بشكل كبير واللي أنا بعشقه جدا على الإنجازات اللي حققها في مصر، وربنا يخليه لينا.. إحنا بقينا في حاجة جميلة إحنا مشُفناش العلمين ولا شُفنا الأبراج، غير على إيد سيادة الرئيس".

ودعا حمو بيكا العالم لزيارة العلمين قائلا: "بدعي العالم كله يجي مصر لأنه هيلاقي حياة جميلة، والأرقام اللي بيسمعوها عن الساحل الشمالي مش موجودة هنا خالص، أنا بقى لي شهرين قاعد هنا".

وأضاف حمو بيكا: "سيبكم من اللي بيقول أسعار 15 ألف و20 ألف مفيش الكلام ده، لأن أنت ممكن تيجي بـ 1000 أو 500 جنيه وتكون سعيد، الأرقام اللي ناس بتقولها مش حقيقية ولو معاك 500 جنيه، هتجي تتفسح وتستمتع، وإزازة المية على الشاطئ بـ 20 جنيه، وبره بـ 5 جنيه و6 جنيه عادي".

قاعد في فندق مع زوجتي بـ2000 جنيه في اليوم

وتابع مطرب المهرجامات حديثه قائلًا: "أنا قاعد في فندق هنا أنا وزوجتي في غرفة جميلة بـ 2000 جنيه في اليوم على البحر أنا لو قاعد في القاهرة في فندق أقل حاجة 5 أو 6 ألاف جنيه".

كما طالب بيكا، بفرض قانون لمحاسبة كل من يسيء إلى سمعة مصر قائلًا: "في ناس بتسيء لصورة مصر بطريقة سيئة، وأنا بسافر كتير بره عمري ما شفت حد بيقول حاجة على بلده عشان في قانون، والقانون ده لازم يتطبق، ولازم اللي يتكلم عن مصر يتحاسب قدام العالم، عشان محدش يقول حاجة على مصر بعد كدة".

اقرأ أيضا: ماذا قال مدحت العدل عن اختيار مسرحية ”تشارلي” لافتتاح مهرجان المسرح التجريبي؟