”المنشورات” تفضح قائد الزمالك.. هل خصص خالد الغندور ”فيس بوك” لمهاجمة الأهلي؟
يبدو أن الإعلامي خالد الغندور، نجم الزمالك السابق، أصبح يخصص وقتًا كبيرًا لمهاجمة واستفزاز الغريم التقليدي الأهلي، من خلال صفحته الخاصة عبر موقع التواصل الاجتماعي" فيس بوك".
ومن المعروف عن خالد الغندور أنه يوجه انتقادات لإدارات الأهلي وتوجيه بعض الكلمات التي بمثابة استفزازات واضحة لجماهير القلعة الحمراء.
وبالعودة إلى الصفحة الشخصية لخالد العندور على موقع" فيس بوك"، تبين أن نجم القلعة البيضاء منذ عودته لقناة الزمالك نشر 15 منشورًا، 13 منهم تعليقًا عن الأهلي و2 لناديه الأبيض.
منشورات خالد الغندور عن الأهلي على فيس بوك
1- مسافر ومعاه قايمة كبيرة جدًا، هل فيه سبب خفي؟ قرار غريب من الأهلي بإلغاء مباراته الودية مع الفريق النمساوي الذي يلعب في الدرجة الثانية.
2- بيرسي تاو ينضم لمنتخب جنوب إفريقيا المفروض الأهلي يقدم طلب لإتحاد جنوب افريقيا إعفاءه من الذهاب عشان الاهلي عنده ماتش السوبر.
3- هو فين عقوبة انسحاب الزمالك من السوبر و فين عقوبة انسحاب الاهلي من كأس الرابطة و دي بطولات رسمية مش ودية و الاثنين مؤهلين لكأس النخبة.
4- بعد بيرسي تاو علي معلول تم استدعائه من قبل منتخب تونس.
5- كلنا مع الاهلي بس يا تري الاهلي معانا كلنا و الانسحاب حلال و لا حرام و بيرسي و معلول هيلعبوا ضد اندية بلادهم و المنتخب اهم و لا النادي اهم و من يغير المواقف علي المزاج و لا هناك مبدأ عام يمشي علي الكل و ايه الاخبار يا بتوع اللوائح.
6-أعلى و أجمل معاني التسامح في الأهلي انك تعطي إمام عاشور رقم القديس ابو تريكة ٢٢.
7- اقسم بالله. المصادر دي مغيبة و بتضحك علي الناس ماتش الأهلي بعد نهاية المعسكر اللي في القاهرة ب٣ ايام المعسكر هينتهي ١٢ و ماتش الاهلي ١٥ عكس الزمالك الماتش كان في نص المعسكر اللي بدأ يوم ٢٠ و اول ماتش مع النيجر ٢٣ و ماتش الزمالك ٢٥ و ماتش ليبيريا ٢٧ و لم يتم السماح للاعبي الزمالك كلهم بالخروج ٢ فقط و كمان لعبوا المباراة الاولي مع المنتخب اللي كانت قبل ٤٨ ساعة فقط من ماتش الزمالك الرسمي و ماتشات المنتخب ودية و مع فرق تصنيف رابع ارحموا عقولنا بلاش اشتغالات و اخيرا ليه معلول و بيرسي تاو و اليو ديناج هينضموا لمنتخبات بلادهم و هيرجعوا ١٢ او ١٣ كفاية تدليس علي الناس.
8- إلى خبراء اللوائح (مقطع فيديو ردا على عقوبة الأهلي).
9- رسالتي لكل اللي بيشتمني وبيغلط فيا وبيقولي ربنا يكملك بعقلك، أنا بفحمكم بكلامي عشان معندكوش رد (مقطع ريلز لجماهير الأهلي).
10- معلول وبيرسي تاو وديانج هيشاركوا مع منتخبات بلادهم والأهلي مش عايز لاعيبته المصريين ينضموا للمنتخب!! هو الأهلي نادي وطني وبيمثل مصر ولا…؟! (مقطع فيديو).
11- انا شايف القرار العادل و السليم ان ال٤ لاعبين بتوع الاهلي يلعبوا ماتش اثيوبيا فقط و بعدها يروحوا للاهلي عشان ماتش السوبر.
12- الأهلي بيهاجم اتحاد الكرة المصري بسبب كأس النخبة لكن مايقدرش يفتح بوقه مع الاتحاد الإفريقي ويعترض على دوري السوبر الإفريقي، عقوبات الأهلي فين؟ (مقطع فيديو).
13- الفعل واحد لكن النتيجة مش واحدة، هوا دا الفرق لما بينسحب الأهلي والزمالك لما بينسحب (مقطع فيديو).
اقرأ أيضًا: عماد البناني: الأجواء هادئة في الزمالك
السؤال الذي يثير تساؤلات جمهور القلعة الحمراء في الوقت الحالي.. هل أصبحت صفحة خالد الغندور بمثابة مكان لمهاجمة الأهلي؟.
