محمد علي رزق يكشف سر فقدانه 50 كيلو من وزنه
تحدث الفنان محمد علي رزق عن سر فقدانه لـ 50 كيلو من وزنه، كما كشف عن كواليس انضمامه للجزء الثالت من مسلسل الاختيار إخراج بيتر ميمي، وذلك خلال لقائه ببرنامج "من نصر" الذي يقدمه الإعلامي عمرو خليل عبر شاشة cbc.
محمد علي رزق يكشف سر فقدانه 50 كيلو من وزنه
وأعرب الفنان محمد علي رزق، خلال حواره مع الإعلامي عمرو خليل، فقال: "ناس كتير قالو لي أوعى تخس علشان هتخسر ومش هتشتغل، وإنت بقيت كاركتر ولو لما تخس مش هتشتغل، وأنا وقتها بصيت للموضوع بشكل تاني".
وأردف: "ماخستش علشان أنا مش حابب شكلي ولا علشان أسباب صحية، أنا بصيت لمستقبلي في مهنة الفن، يعني لو عايز أعمل دور ظابط مثلا، وفي أدوار الشكل هيحكمك وفي أزوار المخرجين مش هيشوفوك غير في اللي أنت بتعمله.
وتابع: أنا ماعنديش مشكلة وأنا تخين أعمل دور واحد شرير، والتخن ملوش علاقة بالطيبة والشر، بس للأسف المخرجين اللي بيجازفوا قليلين، وأنا قررت أخس لإني زهقت وبقيت بعمل نفس الأدوار مع إختلاف بسيط، وشايف إني لو كنت فضلت في دايرة واحدة هموت فنيا وأنا إمكانياتي أكتر.
واختتم الفنان محمد علي رزق حديثه عن فقدانه لوزنه، قائلا: "كنت 150 كيلو، وخسيت وبقيت 100 كيلو دلوقتي".
محمد علي رزق يكشف تفاصيل انضمامه لمسلسل الاختيار 3
وكشف الفنان محمد علي رزق عن تفاصيل مشاركته في مسلسل الاختيار 3 مع النجم أحمد السقا وكريم عبد العزيز، والفنان ياسر جلال، وذلك على هامش استضافته ببرنامج "من مصر" مع الإعلامي عمرو خليل.
وأعرب الفنان محمد على رزق، فقال: أنا اتصلت بالمخرج بيتر ميمي علشان أباركله بعد مسلسل الاختيار 1، وقلتله إني سمعت عن الجزء التاني وعايز اشتغل معاك، وجيه الاختيار 2 ومحدش كلمني، ولكن بعد كدة لقيتهم بيكلموني للمشاركة في الاختيار 3.
وتابع: مسلسل الاختيار هو عمل فني بيوثق مرحلة معينة، وأنا بحب أكون جزء من عمل فني بيوثق مرحلة مهمة في تاريخ مصر، وكان من حظي الحلو أن دوري شبة الأدوار اللي بحلم أعملها من زمان، والدور كان ممتع بالنسبالي، وكل مشاهدي كانت مع الفنان أحمد السقا ودي كانت حاجة حلوة.
