هادي الباجوري: «الجزء الثاني من سفاح الجيزة ممكن نقدمه بشخصية مختلفة»
كشف المخرج هادي الباجوري عن رأيه حول تساؤلات الجمهور عن النهاية المحيرة لمسلسل "سفاح الجيزة"، الذي حقق نجاحًا كبيرًا بين الجمهور وقت عرضه على منصة شاهد، إلى جانب حديثه عن إمكانيه تقديم جزء ثاني من العمل، خاصة بعد نهاية الجزء الأول بنهاية مفتوحة.
قال هادي الباجوري خلال لقاءه في برنامج "تفاعلكم"، إنه لم يتم تحديد حتى الآن تقديم جزء ثاني أو ثالث من مسلسل سفاح الجيزة، قائلًا: "الموضوع ده متوقف على شركة الإنتاج، وممكن لو اتقدم جزء تاني مبقاش أنا المخرج، وعلى حسب معرفتي فيه خطة لتقديم جزء تاني".
تصريحات هادي الباجوري عن مسلسل سفاح الجيزة
وأضاف: "دايمًا بحب يكون عندي تحدي في شغلي، ومسلسل سفاح الجيزة ونوعية مسلسلات الجريمة والإثارة كانت تعتبر تحدي لم أقدمه قبل ذلك، ولو ملقتش حاجة تشجعني ممكن أعتذر عن تقديم جزء تاني، ونهاية الجزء الأول بالقبض على السفاح وانتظار المحاكمة مش مقصود بيها الإيحاء بوجود جزء ثاني من المسلسل، ممكن يكون الجزء التاني بشخصية مختلفة".
اقرأ أيضًا: هادي الباجوري عن انتقادات أداء داليا شوقي: الجمهور عندنا ماسك كرباج وسكاكين ”فيديو”
هادي الباجوري عن نهاية مسلسل سفاح الجيزة
أما عن أراء الجمهور عن نهاية مسلسل سفاح الجيزة، قال: "مش متابع آراء الناس على السوشيال ميديا ولا بتأثر بيها سواء المدح أو النقد، وبحاول أقيم العمل وعيوبه من وجهة نظري، مفيش عمل فني لا تختلف عليه الآراء، ومقدرش أسأل الجمهور عايزين النهاية تكون عاملة إزاي، الراجل ده كان لازم يتقبض عليه، وممكن لأن الجزء الأول كان فيه دم وذبح الجمهور حس باختلاف في نهاية المسلسل، لكن كان مقصود يحصل تحول ونتفرج على حاجة جديدة ومش متوقعة".
أما عن انتقاد الجمهور لظهور باسم سمرة في دور الضابط، قال هادي الباجوري، إن هذا نابع من تعود الجمهور على صورة نمطية للممثل الذي يقدم هذا الدور، ليه يعني باسو ميكونش ضابط لازم يبقى بلطجي؟، مشكلتنا إننا زى الاختيار تلاقي الضابط عمرو يوسف أو أمير كرارة ليه شكل معين، لكن أنا بحب أطلع بره المألوف، وباسم شاطر قوي وبيعمل أى دور مظبوط".
اقرأ أيضًا: ماجدة خير الله عن حنان يوسف: ”مدهشة وأحلى ختام لحلقات سفاح الجيزة”
