لأول مرة.. الرئيس السيسي يعلق على هروب لاعبين مصريين إلى الخارج
علق الرئيس عبد الفتاح السيسي على ما أثير مؤخرًا بشأن هروب لاعبين مصريين إلى الخارج خلال مشاركتهم في بطولات دولية.
وقال الرئيس السيسي، خلال الاحتفال بيوم تفوق جامعات مصر، اليوم الثلاثاء: اللي بيتم لا يتم تقديمه وإظهاره وتسويقه للناس بشكل مناسب، وده جهد بيأكد أن كل القطاعات الموجودة في الدولة محل دعم واهتمام لتحقيق أهداف هذا القطاع.
وتابع الرئيس: لما ييجي النهادرة يتقال إن في شاب أو شابين سابوا مصر وراحوا، ليه أنا النهاردة متكلمتش في الموضوع ده بجلاء ووضوح وشكل مباشر لكل الناس.
وأضاف الرئيس السيسي: لما اتكلمنا في بداية الفترة الأولى قولنا أفكار إدارة مراكز الشباب لا قبل لنا بها وقولت لازم نشوف صيغة مالية أخرى للتعامل مع الوضع كان في أكثر من 4000 مركز شباب محتاج إعادة تأهيل.
وأردف: الدولة مش هتقدر كل شوية تدخل تعمل تكلفة مالية ضخمة لرفع كفاءة المراكز دي، محتاجين نقول بنرعى أبطالنا إزاي، أنا عارف، بس أنا عايز الناس تعرف، عشان هما بيسمعوا جانب إن ابننا مشي وسابنا عشان مش مهتمين بيه، لأ.
واختتم: أحب أقول النقطة دي عشان المواضيع دي بتمثل نقطة مش طيبة في نسيج الجهد اللي بتبذلوه، وفي كل الجوائز التي كانت تقدم لكل أبطالنا ده رقم لا يعبر عن تقديرنا ليهم ويستحقوا أكتر من كده، لكن بردوا الرقم مش متواضع أوي.
اقرأ أيضًا: عاجل.. الرئيس السيسي يوجه بمضاعفة مكافآت الأبطال الرياضيين
