كريم عبد العزيز يكشف تفاصيل إصابته بـ 9 جلطات في الرئة: ”الدكتور قالي هتموت”
كشف الفنان كريم عبد العزيز عن أصعب أيام حياته بعدما اكتشف إصابته بـ 9 جلطات في الرئة وأخبره الأطباء في انجلترا بأنه سوف يموت ولا محال في ذلك.
كريم عبد العزيز:عندي 9 جلطات في الرئة والدكتور قالي "هتموت"
وقال كريم عبد العزيز خلال لقائه ببرنامج "sold out" المذاع على منصة watch it الرقمية مع الإعلامي محمود سعد: "أنا عامل لوالدتي تأمين صحي وكنت مسافر في إنجلترا وكانت والدتي تعبانه وهتعمل عملية.. وفجأة لقيت آلام غير طبيعية في صدري افتكرته برد ودهنت مسكن.. وبعدها عملت أشعة ومشيت.. فوجئت تاني يوم برسايل بيطلبوا أني أروح للمستشفى فوراً وأنا مش حاسس بأى حاجة.
وتابع عبد العزيز: وصلت لقيت ناس واقفة مستنياني وبيسألوا إزاي واقف على رجلي.. وقتها كان عندي 36 سنة دخلت الأوضة مع الدكتورة وقالتلي أنا أسفة لكن دا الطب ولازم أقولك "You will die" إنت هتموت".
أضاف: "لأول مرة قعدت أقول هو في die جديدة في الإنجليزي كان عندي 9 جلطات في الرئة.. كنت عايز أهرب من المستشفى وطلبت منها إني أروح أشوف ولادي.. قعدت في المستشفى 4 أيام في العناية المركزة وكل اللي بفكر فيه أولادي".
واستكمل كريم عبد العزيز:
"قررت أشوف دكتور تاني وفعلا قابلتله وقلت له إني لو قعدت في مستشفى هموت.. فضل يسألني إن كنت روحت لدكتور تاني أو مستشفى وأنا أجاوت لأ.. مع إن في إنجلترا الشبكة الطبية مربوطة ببعض يعني هو شايف إني دخلت مستشفى لكن كنت بجاوب لأ.. لحد ما سألني بشتغل إيه قولت له ممثل ومش عايز أقعد في مستشفى .. والدكتوراتفق معايا إني مقعدش في المستشفى وأخدت الأدوية والحقن في البيت".
آخر أعمال كريم عبد العزيز
يشار إلى أن آخر أعمال كريم عبدالعزيز فيلم بيت الروبي الذي تدور أحداثه في إطار كوميدي اجتماعي، حول زوجين يعانيان من بعض المشاكل بسبب معاناة الزوجة من مشكلة في الإنجاب، والعمل من بطولة كريم محمود عبد العزيز، نور، تارا عماد ونخبة كبيرة من الفنانين وتولى الإخراج بيتر ميمي.
اقرأ أيضًا.. كريم عبــد العزيز: أنا محــظوظ لأني الوحــيد اللي مثـــلت مع ســعاد حســني
