ريهام سعيد: «محمد صلاح ناكش شعره في الضلمة وباسم يوسف عمل اللي محدش عمله»

تحدثت ريهام سعيد عن اللاعب محمد صلاح وموقفه تجاه ما يحدث في غزة، مشيرة إلى أنه ساوى القضيتين ببعضهما، إلى جانب كشفها عن رأيها في لقاء باسم يوسف مع بيرس مورجان.

قالت ريهام سعيد خلال برنامجها "صبايا الشمس": "محمد صلاح طالعلك في أوضة ضلمة ناكش شعره معرفش دا ذكاء اصطناعي ولا ملقنينه إيه، مخدش موقف خالص مش بيقول ولا كلمة تقول إن اللي بيحصل دا غلط، ساوى دي بدي، انت بجد خليت القضيتين زي بعض؟، أنا أخدت تيشيرت محمد صلاح من ابني قطعته ورميته وقولتله شجع زيزو في الزمالك".

اقرأ أيضًا: الفلسطينيون لن يموتوا.. شاهد كيف هاجم باسم يوسف إسرائيل ولقنهم درسا على الهواء بطريقة لن تُنسى

ريهام سعيد وباسم يوسف

وانتقلت ريهام سعيد بالحديث عن باسم يوسف ولقاءه مع بيرس مورجان، وقالت: "باسم يوسف هو اللي قاد حملة ضدي وكلم المعلنين يسحبوا إعلاناتهم من البرنامج بتاعي بعد حلقة فتاة المول، فالطبيعي إني مش بحبه، لكن في اللقاء دا عمل اللي محدش عرف يعمله ، هو ملوش مصالح معاهم بالعكس هو عايش في وسطهم ففكرة إنه يطلع ويتحداهم وهو قاعد عندهم دي شجاعة غريبة".

وتابعت ريهام سعيد: "اتعلمت من باسم يوسف حاجة إنه مفرحش باللي اتقال عليه هو عارف اللعبة ، هو عايز يقول إنه معملش كدا عشان الناس ترضى عنه وخلاص".