محمد صبحي يكشف رأيه في مخططات إسرائيل اتجاه سيناء

حرص الفنان محمد صبحي على دعم القضية الفلسطينية، كاشفا مخططات الكيان الصهيوني اتجاه مصر، بعد مطالبتهم بتهجير أهل غزة إلى سيناء، وأعرب عن ذلك خلال لقائه مع الفنان إدوارد في برنامج "القاهرة اليوم" المذاع عبر قناة "ألفا"، مؤضحا رأيه في قرار رئيس السيسي بخصوص طلب التهجير إلى سيناء.

محمد صبحي يكشف رأيه في مخططات إسرائيل اتجاه سيناء

وقال الفنان محمد صبحي خلال حواره في برنامج القاهرة اليوم: "العدو منطقي يعمل اللي هو عاوزه، لإنه عدو ومحتل، وعدوك بقاله 200 سنة وأكتر بيخطط لحلمه ومش هيسيبه بسهوله، ونحن لا نحلم إلا بالرتاء ونحلم بالتعاطف.. هل المطلوب حرب، لا قطعا، والمسألة إنك قاعد بقالك 75 سنة بنتكلم في سلام تحقق بعد حرب 73، واعتقدنا إن بكده انتهت المشاكل".

وتابع الفنان محمد صبحي: "وديما يقوللنا عدوك إسرائيل جارك.. دولة إسرائيل، ومش واخدين بالنا إنه شيء مؤلم إننا نقول دولة إسرائيل، ومش واخدين بالنا من فلسطين، الشعب اللي بقاله 75 سنة بيحارب عشان يسترد أرضه المنهوبة والمسروقة، ومافيش أي شيء بيتحقق الناس قاعدة بتتفاوض وعدوك مش عايز، احنا مش وصللنا الإشارة لإن مشروع الكيان الصهيوني المغتصب أحلامه معروفة وموجودة".

محمد صبحي: مصر رفضت التطبيع وإسرائيل بتلعب في منابع النيل

وأردف: "إنما اللي حصل دلوقتي هجمة شرسة ومحقة من المقاومة الفلسطينية، والخريطة للعدو الصهيوني واضحة، ومصر البلد الوحيدة اللي شعبها رفض التطبيع، واحنا آمنا بالسلام بعد حرب 73 وانتصار أكتوبر، وكنا موافقين على السلام وحصلت معاهدة السلام، وآخر هدف للمخطط الصهيوني مصر، مخلياها للآخر، وإسرائيل بتلعب في أهم جسد في وطنك، بتلعب في منابع النيل".

وأضاف: "أنا فخور جدا بقرار الرئيس السيسي أو القيادة المصرية.. قرار مظبوط لإن غيره كان ممكن يخليني في موقف سيء ومعرفش أرد.. الرئيس السيسي قال إن ماحدش هيدخل سيناء ومش هنسيب سيناء لحد، وأمريكا وإسرائيل قاعدين بيخططوا إزاي غزة تتنقل لسيناء، وبعدين يهجروا الضفة الغربية ويعملوا كيان في سيناء".

اقرأ أيضا.. أبرز ما جاء في تكريم محمد صبحي بمهرجان المنصورة المسرحي - صور