نهال طايل لـ روبي: «مش محتاجة للإسفاف عشان تتشهري»

تحدثت الإعلامية نهال طايل، عن رأيها في أغنية "3 ساعات متواصلة" للمطربة روبي، مؤكدة أنها مطربة كبيرة ومحبوبة لدى جمهوره،ا ولا توجد فنانة شبيهة لها، ومتميزة عن مطربات جيلها.

نهال طايل تكشف رأيها في أغنية 3 ساعات متواصلة

وقالت الإعلامية نهال طايل خلال برنامجها "تفاصيل"، الذي يعرض عبر فضائية "صدى البلد 2": "روبي فنانة لها بصمة ومفيش حد شبهها، وليها لون وطعم وأداء، ومش محتاجة الكلمات الهابطة دي، لأنها فعلًا في مكانة تستحق أنها تحافظ عليها، ومينفعش إننا نقول عليها بتغني أغان فيها إيحاءات جنسية".

أشارت إلى أن المطربة روبي تقيم حفلات غنائية كبيرة، وتحضر حفلات زفاف في أكبر الفنادق، والجميع يحفظ أغانيها وكل السيدات والفتيات يحبون ملامح وجهها كفتاة مثال للجمال والرشاقة.

وتابعت: "روبي مبقتش محتاجة للطريقة دي علشان تبقى مشهورة.. وبتعمل حفلات في الساحل أولادنا كلهم بيروحوا وبتبقى الدنيا زحمة علشانها وحفلاتها كلها بتبقى كاملة العدد.. إنتي مش محتاجه للإسفاف أو أنك تنزلي لده أنتي نجمة ولازم تحافظي على مكانتك اللي دخلتي بيها قلوبنا".

اقرأ أيضا.. روبي تطرح أغنيتها الجديدة ”3 ساعات متواصلة”.. شاهد