إلهام شاهين بشأن الرقابة على الأفلام: «مينفعش نحس بالتقييد»
حلت الفنانة إلهام شاهين ضيفًا في برنامج "كل يوم"، المذاع على قناة “ON TV، تحدثت خلاله عن رفض الرقابة لعدد من السيناريوهات المهمة من وجهة نظرها، التي أرادت إنتاجها.
هذا، وأعربت "إلهام" عن استيائها واستنكارها لقيود الرقابة، مؤكدة تاريخها الكبير في الفن يجعل لديها رقابة داخلية تحدد من خلالها ما تصلح مناقشته، في عمل فني يفيد المجتمع.
أبرز تعليقتها بشأن الرقابة
علقت الفنانة "إلهام" بشأن الرقابة على الأعمال الفنية قائله: "لازم يكون فيه ثقة فينا، وأنا عندي خبرة كبيرة بالفن، وعندي رقابة داخلية، وأقدر اعرف إيه المسموح، وإيه غير المسموح للمجتمع، ومينفعش يكون فيه أي أوصياء على المجتمع يشوف إيه وميشوفش إيه، ولو مشافهوش عندك هيشوفوه في المنصات اللي بقت مفتوحة على العالم كله".
شددت: "الفن لازم يتنفس، ويكون فيه حرية بشكل واسع، ومينفعش نحس بالتقييد، وأن الرقابة هترفضه وأقول بلاش، قولت لازم اتوقف هو إيه اللي مسموح بيه الكوميدي والأكشن.. يعني لو متكلمناش في مواضيع مهمة فيها سياسة، أو جنس، أو دين، اللي هي المحرمات، هنتكلم في إيه".
استطردت: "أنا معرفش اخترع إفيهات، ومش هطير في الهواء وأكسر عربيات ولا هضرب، طيب بعد تاريخي الطويل ده، عديت الـ100 فيلم، وأكتر من 50 مسلسل أعمل إيه".
اقرأ أيضا.. إلهام شاهين تنشر بوستر مسلسل «بطلوع الروح» برفقة منة شلبي
