عايدة غنيم تهاجم طليقها: «ما بيصرفش على ابنه وعلاجه بـ150 دولارا»

وجهت الفنانة عايدة غنيم، بطلة مسلسل الحاج متولي، رسالة شديدة اللهجة إلى طليقها، مؤكدة أنها، هي التي تتكفل بالإنفاق على نجلها وعلاجه بشكل كامل، وأن والده منذ الانفصال لم يدفع أي نفقة للطفل.

قالت عايدة غنيم، في فيديو عبر حسابها بموقع تيك توك: “ابني من يوم ما انفصلت قسمًا بالله ما حد بعتله جنيه ولا اترفعت عليه سماعة تليفون، ولا اتقاله كل سنة وأنت طيب في عيد ميلاده ولا في أي مناسبة، ولا في عيد عيدية ولا جاله فانوس رمضان ولا مصاريف مدرسة، أنا اللي متكفلة بكل حاجة وربنا يعلم، وأنا متكفلة بكل مصاريف ابني من أكبر حاجة لأصغر حاجة ومصاريف علاجه كلها، اللي أقل دواء فيها بيوصل لـ 150 دولارا”.

وأضافت عايدة غنيم: “مفيش حد بيصرف جنيه على ابني ولا حد يعرف حاجة عنه، وإشاعاته وتحاليله أنا اللي متكفلة بيها ومتحملة مسئوليته كلها، مفيش حد بيصرف على ابني جنيه، وأنا مش مانعة إن حد يشوف ابني لأني مش هتعب نفسية طفل وعمري ما هحرم ابني من إن حد يشوفه ده إذا كان عايز يشوفه، أنا نفسي قولت يا جماعة الولد مالوش علاقة بأي خلافات ومع ذلك ولا أي حد اهتم ولا حد سأل”.

وتابعت بطلة مسلسل الحاج متولي: “محدش بعد كده يجي يقول إحنا بنصرف، مش معنى إني ساكتة أنا مش بتاعة وجع دماغ ولا ليا في المحاكم والقضايا أنا ست في حالي وبربي ابني والحمد لله ربنا بيرزقني برزقه وطول ما ربنا رازقني خلاص الفلوس دي آخر حاجة أفكر فيها، وحقي اتنازلت عنه ولكن حق ابني مش من حقي إني أتنازل عنه، ومش معنى إني مطلبتهوش إني اتنازلت عنه ده محصلش ويشهد ربنا على كل كلمة بقولها وكل الناس القريبين مني عارفين ده”.

اقرأ أيضا: عايدة غنيم: بعد دور سعدية في مسلسل الحاج متولي افتكرت إني هبقى زي غادة عبد الرازق