محمود عامر لمنتقدي زواجه: «ربنا طبطب على قلبي».. والعروس ترد: «سيد الرجالة»
تحدث الفنان محمود عامر عن زوجته رشا فرج، بعد مرور يوم واحد فقط على زواجهما، وذلك خلال لقائه ببرنامج "الستات ميعرفوش يكدبوا"، المذاع عبر شاشة تلفزيون قناة "cbc".
أبرز تصريحات محمود عامر
وقال: "الحب مفتاح الفرج عشان كدا ربنا رزقني بالعروسة الجميلة بنت الناس بنت الأصول رشا فرج، هي كانت زي أي بنت مترددة، خصوصا أن مفيش تاريخ جامد إذا كان معرفة سنة أو سنتين، دا في معدل خمسة أشهر أو ستة أشهر، وبمجرد ما أنا شوفتها حصل حاجة كدا رباني، زي سهم كيوبيد كدا رشق جوا القلب وكان النصيب".
وتابع: "وأهم حاجة يكون في تفاهم وجنب التفاهم دا رضا، ربنا سبحانه وتعالى هو اللي طبطب على قلبي من خلالها، أنا عرفتها في مرحلة من حياتي شديدة الصعوبة، لقيت إنسانة قل وجودها في هذا الزمن".
أبرز تصريحات زوجة محمود عامر
ومن جهتها حرصت زوجة محمود عامر على الإشادة بزوجها، فقالت: "طبعا بحكم شغلي كأخصائي نفسي وإرشاد أسري كان بيستشرني في موضوعه والضغوطات اللي كان مر بيها لحد ما حصل تعارف وحصل لينك بيني وبينه، كنت زي أي بنت في الموقف دة بتخض طبعا وفرحت وكنت متلغبطة بس طبعا في الأول وفي الأخر كنت مبسوطة جدا، إحنا نعرف بعض بمنتهى الأريحية من البداية، محمود يتقال عليه سيد الرجالة".
اقرأ أيضا: محمود عامر يثير الجدل بمنشور غريب.. هل انفصل عن زوجته؟
