صبا مبارك: ”شخصية هند في بين السطور جننتني وعملتلي أزمة نفسية”
كشفت الفنانة صبا مبارك عن تفاصيل شخصيتها في مسلسل "بين السطور"، مشيرة إلى إنها عرضتها للأذى نفسيًا، وذلك من خلال لقاءها ببرنامج "كلمة أخيرة"، الذي تقدمه الإعلامية لميس الحديدي، عبر شاشة تلفزيون قناة "أون".
أبرز تصريحات صبا مبارك
وقالت الفنانة صبا مبارك: "شخصية هند في مسلسل بين السطور جننتني، وعملتلي أزمة نفسية، ويبدو المسلسل وكأنه جريمة قتل ولكن هي رحلة سؤال مهم جدا إزاي ممكن لحظة أد كدا تغير حياتك كلها وتقلبها من المكان دا للمكان دا 180 درجة بسبب غلطة بسبب لحظة ضعف أو بسبب شيء مكانش محسوب في لحظتها، ودا مصير بيواجهه كتير من الناس".
وتابعت: "والشخصيات في المسلسل محدش فيهم حلو ومحدش فيهم وحش، هما حلوين ووحشين في نفس الوقت، وأنا بحب التركيبة دي من الشخصيات والنصوص، وهند كانت معقدة جدا لأنه غير مسموح ليها بالتعبير عن مشاعرها، هند اتربت على ايدين أم من غير أب طلبت منها تكون راجل وست في نفس الوقت وتثبت للعالم أنها ناجحة".
ومن ناحية أخرى، أوضحت صبا مبارك أن الإجهاض شيء قاسي جدًا، فقالت: "اعوذ بالله، مستحيل اعمل إجهاض لنفسي لأن دا شئء قاسي جدا، وبدون إصدار أحكام على أي إنسان أنا بشوف اللي مش عايز ينجب لازم ياخد احتياطاته الأول من ناحية، ومن ناحية تانية في ناس مضطرة تعمل كدا عشان مثلا في قرارات ليها علاقة بصحة الجنين أو هيخرج إزاي للدنيا، بردو دي حالات كدا، وأنا بحس من موقفي النهاردة أنه لا هو شيء قاسي جدا أن الإنسان ياخد القرار دا".
اقرأ أيضا.. بعد تصدرها التريند.. تعرف على السن الحقيقي لـ صبا مبارك
