أول تعليق من ”بسمة بوسيل” بعد الهجوم عليها بسبب سعد لمجرد
حلت الفنانة بسمة بوسيل، ضيفة على الإعلامية منى عبد الوهاب في برنامجها الرمضاني "ع المسرح" المذاع عبر شاشة قناة "الحياة"، وتحدثت خلال لقاءها عن سبب دفاعها عن المطرب سعد المجرد بعد اتهامه بالاغتصاب وحبسه.
وأوضحت الفنانة بسمة بوسيل، خلال حديثها ببرنامج "ع المسرح"، وقالت: "أنا معرفش الحق فين، ولكن اللي أنا قولته لأن سعد المجرد صعب عليا، وكان عندي تكريم في مؤسسة نسوية اتلغى مش مهم مش عايزاه ومكنتش عايزه أروح، لأن أنا مش فيمنست وربنا خلقنا بنكمل بعض فأنا من رأيي الست القوية هي الست الذكية وأنا باخد اللي أنا عايزاه بالطريقة اللي أنا عايزاها فأنا ذكيه".
وتابعت: "أنا مش فارقلي، وأنا وقفت مع ابن بلدي، وفي حاجات كتير مش مفهومة، وهو لم تثبت إدانته ولا في حكم نهائي.. وأنا مع الحق ومش طبيعي إنها تروح الفندق وتروح غرفة رجل غريب عنها دي مش طبيعتنا ولا ثقافتنا، وأنا لو في بلد وفيها ثغرة في القانون أعرف أحور منها هحور ومعنى جملتي إن الست لازم تعرف قيمة نفسها ومعنى إنها تطلع لراجل غريب فهي متعرفش قيمة نفسها".
اقرأ أيضا: تعليق مفاجئ من بسمة بوسيل بعد ظهورها مع طليقها تامر حسن
