بيومي فؤاد عن أزمته الأخيرة: «بقيت وصمة ومينفعش أبقى مستفز للناس»

حل الفنان بيومي فؤاد ضيف على برنامج "حبر سري" الذي تقدمه الإعلامية أسما ابراهيم، على قناة "القاهرة والناس"، وكشف خلاله لقائه عن العديد من التصريحات التي تخص حياته الشخصية والفنية، وتحدث عن أزمته الأخيرة ومهاجمة الجمهور له.

تصريحات بيومي فؤاد

وقال الفنان بيومي فؤاد، متحدثا عن أزمته الأخيرة بشأن الفنان محمد سلام ومسرحيته التي عرضت في السعودية في فترة الحرب على غزة من قبل الاحتلال الصهيوني: "أكتر أزمة اتظلمت فيها، أنا عينا كانت هتنفجر بالدم بسبب الضغط اللي كنت فيه، كانوا أسوأ 5 أيام عدو عليا أنا وعيلتي، وابني كلمني قالي احنا في خير وربنا كشفلنا حاجات كتير جدا".

وتابع: "أنا مرجعتش الأكونت بتاعي، قولت للناس المسؤولة أقفلوها خالص مش عايز أشوف تعليقات ومينفعش كمان ابقى مستفز للناس وبعد اللي حصل انزلهم أعمال من أعمالي، وماندو العدل هاجمني في أزمتي الأخيرة وناس كتير جدا ومحدش وقف معايا غير ربنا".

اقرأ أيضا: بيومي فؤاد يكشف تطورات حالته الصحية