فيفي عبده تكشف عن وصيتها لأول مرة: ”سيبوني برة الترب يومين”
كشفت الفنانة فيفي عبده، عن خوفها من المرض، وعن وصيتها التي أوصت بها أولادها بعد وفاتها، وذلك خلال لقاء لها ببرنامج "حبر سري"، الذي تقدمه الإعلامية أسما إبراهيم، عبر شاشة تلفزيون قناة "القاهرة والناس".
تصريحات فيفي عبده
وقالت الفنانة فيفي عبده: "المرض بيخوف وغدار، بقول لربنا خدني وأنا واقفة على رجليا، وبقول لولادي لما أموت سيبوني برا الترب يومين عشان تتأكدوا أني ميتة.
وفي الحلقة ذاتها، أوضحت فيفي عبده، سبب اعتذارها عن تقديم أدوار الشرف، فقالت: "زمان كنت أوافق على الأدوار التانية لكن دلوقتي لا، دا مبدأ عندي، أقل من بطولة مش هوافق، يا اقدم حاجة كويسة يا لا، لو أنا فشلت هقعد على جمب، لكن أنا ناجحة وهما الخسرانين، ومعنديش مشكلة أعمل دور أم، وأنا طول عمري بطلة في الرقص، وكتير طلبوني أكون ضيفة شرف بس بعتذر، كل سنة بيتعرض عليّا ضيفة شرف وبرفض، أنا شبعانة بجمهوري".
