أمير كرارة يكشف عن أجره لأول مرة: ”معرفش مين الممثل الأعلى أجرا”
كشف الفنان أمير كرارة، عن أجره الذي يتقاضاه في أعماله الفنية، فضلا عن حديثه عن السبب وراء عدم تحقيق مسلسلي "نسل الأغراب وسوق الكانتو" لنفس نجاح مسلسل "كلبش والاختيار"، وذلك خلال لقاء له ببرنامج "حبر سري" مع الإعلامية أسما إبراهيم، عبر قناة القاهرة والناس.
تصريحات أمير كرارة
وقال الفنان أمير كرارة: "هو مفيش مشكلة، هو في ذوق عام اختلف وفي اختيارات غلط.. نسل الأغراب بكل المقاييس المفروض يكسر الدنيا أحمد السقا نجم ومحمد سامي مخرج عبقري، وهو من أول يوم نزل وفيه حرب كبيرة عليه، ولحقت إزاي من أول يوم تحكم عليه، واللي يضايق أن في الدول العربية المسلسل دا كسر الدنيا، ومشوفتش نجاح زيه وفي مصر الناس كانت حباه بس على السوشيال ميديا الناس بهدلت الدنيا".
وتابع: "سوق الكانتو مكانش فيه مشكلة ولكن ذوق الجمهور اتغير ويمكن نزل في وقت غلط، وبعد رمضان نزل في الجونة والناس حبته، ويمكن لو كان اتذاع برا صراعات رمضان كان اتشاف بشكل تاني، والعائدون عشان عملت ظابط فيه ممكن تكون الناس حست بالملل.. وكلبش والأختيار من أكتر المسلسلات اللي بحبها في حياتي".
أجر أمير كرارة في أعماله الفنية
وفي الحلقة ذاتها، كشف الفنان أمير كرارة عن رأيه في أجور الفنانين، وقال: "أنا معرفش الأجور ومين بياخد إيه، والسينما دلوقتي اختلفت وكبرت ومنى زكي عاملة فيلم وعاملة إيرادات واعتقد واخدة فلوس كويسة، وبحدد أجري على أساسي أنا مش حد تاني، ومعرفش مين النجم الأعلى أجرا".
وأردف: "في صفحات بتنزل تعرف على أجور النجوم وبخش أشوف أنا باخد كام وبيبقى كلام مش حقيقي والناس بتحس أن في حاجة مش صح والناس لما بتصدق، وبيتقال أن أجري 55 مليون جنيه ودا كلام مش صح ولا نصه".
اقرأ أيضا: قصة مسلسل الحشاشين قبل عرضه في رمضان 2024
