أمير كرارة لجمهور السوشيال ميديا: ”ليه بتشتمونا إحنا بنشتغل عشانكم”
حل الفنان أمير كرارة ضيفا على الإعلامية أسما إبراهيم، في برنامجها "حبر سري"، الذي يعرض عبر فضائية "القاهرة والناس"، وأعرب خلال لقائه عن استيائه وغضبه الشديد من بعض جمهور السوشيال ميديا، الذين يهاجمون الممثلين، دون وجه حق.
تصريحات أمير كرارة
وقال الفنان أمير كرارة: "بزعل أوي من كم الناس اللي بتشتم الممثلين.. انتو ليه بتشتمونا احنا بنشتغل عشانكم، وبكون مستني منكم مبروك، لو مش بتحبني متتفرجش عليا، ودا اللي بيضايقني في السوشيال ميديا، واللي بيشتموني عليها بيجروا عليا يتصوروا معايا في الشارع".
وتابع: "وكان في فنانة طالعة بتشتم نجم ودا عيب وأنا لما بتسأل عن حد مش بتكلم عليه وحش، متشتمش الست الممثلة المحترمة وابنها بيقعد على السوشيال ميديا بيشوفك بتشتم أمه، خلي في احترام بينا، وحسسني إنك مقدرني عشان احترمك، وحد كان منزل خبر كدب عني وحد شتم فدخلت بعتله راح ماسح الكومنت، والشتيمة بقيت سهلة، وأنا بحب الناس وبحب الشارع".
وفي جزء آخر من اللقاء، كشف الفنان أمير كرارة عن رأيه في المسلسلات التركية، وقال: "المسلسلات التركية ناجحة وأنا مش بقدر عشان شايف إننا أحسن بكتير، هي حلوة بس فيها 100 حلقة وطول الحلقة بشوف الراجل خارج من بيته لهناك في حلقة واحدة، والمسلسلات عندنا سريعة، والدراما عندنا هتبقى عالمية لما المسلسلات تتدبلج ولو ابتدت تنزل برا هيعملوا شغل جامد جدا، واحنا عندنا كم مسلسلات محترمة، والذوق العام اختلف".
اقرأ أيضا: قصة مسلسل الحشاشين قبل عرضه في رمضان 2024
