سر مفاجئ لـ”منة فضالي” في ”كوبرا” و”محارب”.. ما هو؟
كشفت الفنانة منة فضالي، العديد من الأسرار والحكايات عن مشاركتها في في مسلسلي، "كوبرا ومحارب"، رغم ظهورها في عدد قليل من الحلقات لكنها تصدرت "التريند" وقت عرضهم.
وأشارت "فضالي"، في تصريحات صحفية: "سعيدة إني اشتغلت مع محمد عادل إمام كان في بينا كيميا والناس حبيتنا أوي، وحسيت إني أعرفه من سنين وإننا اشتغلنا مع بعض قبل كده".
وكشفت "منة" عن تجهيزاتها لشخصية "حنان"، قائلة: "حنان شخصية جميلة وحقيقية وطيبة حاولت أنها تكون طبيعية، على الورق مش بيكون باين التفاصيل دي لازم نحط لمسات من عندنا، وأنا خليت للشخصة لزمة أنها بتتكلم بسرعة أوي".
وأكدت أنها فوجئت برد الفعل على الدور لدرجة أنها بكت من الفرحة قائلة: " مكنتش متوقعة التريند بس كنت مبسوطة أن أول يوم اطلع تريند والناس تتكلم عني اتفاجئت وعيطت وحسيت بالمسئولية، ومبسوطة أن جمهور محمد إمام حبوا الشغل اللي عملناه لأن كل ما تشتغلي مع نجم الناس بتحبه بتاخدي من نجاحه".
وإلى جانب مسلسل "كوبرا" تشارك منة فضالي في مسلسل "محارب" لكنها لا ترى أن هذ الدور يضيف لها وأوضحت: "مشكلة مسلسل "محارب" إن من بداية المسلسل ماخدتش ورق للشخصية، حكولي الدور في التليفون سألوني إن كان عندي مانع أظهر في دور قعيدة وأن الدور حلو، وبعدها اكتشفت أن كان في ممثلة تانية هتقدمه واعتذرت، وأحمد زاهر كلمني وطلب مني أني أقدم الدور".
اقرأ أيضًا: مصطفى شعبان: «أنا مش ضد المشاهد الجريئة لو مناسبة للدراما»
وتابعت منة فضالي موضحة أنها لم تحصل على سيناريو كامل للشخصية: "طول المسلسل بصور مش معايا ورق، باخد المشهد قبل التصوير، كنت مستاءة جدا وأغلبنا كده حسيت إني مش شايفة معالم للدور، حاولت اشتغل على الشخصية على قد ما أقدر خليتها بسيطة في اللبس والشعر والمكياج، لكن لو كان معايا ورق كنت اشتغلت على الدور شوية وكان ممكن حتى اعتذر".
