نجوى فؤاد تكشف سبب اعتزالها الرقص لأول مرة.. ما علاقة الشيخ الشعراوي؟

تصدرت الفنانة نجوى فؤاد تريند محركات البحث بموقع "جوجل" الشهير، خلال الساعات القليلة الماضية، بعدما تحدثت عن السبب الحقيقي لاعتزالها الرقص الشرقي والفن لأول مرة، وذلك من خلال تصريحاتها في برنامج "شاي بالياسمين" الذي تقدمن الإعلامية ياسمين الخطيب عبر شاشة قناة "النهار".

سبب اعتزال نجوى فؤاد

وكشفت الفنانة نجوى فؤاد عن حوار دار بينها وبين الشيخ الراحل محمد متولي الشعراوي، حول الرقص، وقالت: "مرة سألت الشيخ الشعراوي، كنا في طائرة واحدة عائدين من الغردقة، وسألته هو الرقص حلال ولا حرام".

وتابعت: "والكلام دا من 15 أو 20 سنة، قال لي لو حرام أو حلال، مكنش ربنا فتح لك السكة دي، ومكنش نجحك فيها، هو اللي قسم لك كدة، الحساب بقى عنده".

وأضافت: "وهو قال لي لا أقدر أقول لك حرام ولا حلال، لكن ربنا فتح لك الطريق دا عشان تاكلي عيش منه، محرمش ومحللش، ولكن قال لي في حساب عند ربنا بقى، وأنا ماعملتش حاجة عشان أتوب".

اعتزال نجوى فؤاد الرقص الشرقي

وأردفت نجوى فؤاد: "أنا اعتزلت الرقص عشان حاجة بسيطة جدا، وأنا واقفة على المسرح بعرض "قمر 14"، واحد من الجمهور كان بيقول لي "الأساتوك دا"، وأنا معرفش يعني إيه الأساتوك دا، وقفت الموسيقيين وسألتهم إيه الأساتوك يا جماعة وقالوا لي غنوة شعبية".

واستكملت حديثها وقالت: "قولت هنقارن الأغنية الشعبية من موسيقار الأجيال بالأساتوك؟، رحت قافلة الستارة بايدي مع إنها الكترونية، وقعدت على الأرض وقلت خلاص، وخليت كل الفرقة تلم فساتيني، وكل ما يخصني، ومليت عربيتين صغيريت وروحت، ولن أعود أبدا للرقص بعدها".

اقرأ أيضا: بعد خروجها من المستشفى.. تطورات الحالة الصحية لـ نجوى فؤاد