رمضان صبحي يكشف أسباب دفعته للرحيل عن الأهلي وموقف شريف إكرامي

تحدث رمضان صبحي، لاعب النادي الأهلي، والمنضم حديثًا لنادي بيراميدز على أن هناك بعض الأشياء حدثت في مفاوضات الأهلي معه أزعجته، وكانت شببًا في حسم رحيله عن الفريق والانضمام لنادي بيراميدز.

وقال صبحي في تصريحاته لقناة "إم بي سي مصر": "أكتر حاجة ضايقتني أنه في حد استغل الجمهور إللي هو سند اللاعيبة ضدي، وبيقولوا كلام محصلش، وساعتها محستش بالأمان".

وأضاف: :"أنا بأحكي وبأذكر حقائق، ولو في حد عاوز يرد يدخل ويجيبني في مداخلات وأنا أرد".

وتابع: "أنا زعلان من إللي بيحصل مع شريف إكرامي، وإنه بسبب رحيلي عن الأهلي، وهو شايل شيلة مش شيلته".

وتابع: "شريف إكرامي لم ينضم لبيراميدز بسببي، وهو كان واخد القرار من شهر 2 إنه هيرحل عن الأهلي".

وأكمل: "الناس بتعاملني معاملة عادية.. ما شوفتش حد ضايقني في الشارع، لكن الهجوم كله على السوشيال ميديا، والناس حتى في الشارع لما تيجي تتصور معايه، بيقولوا ليه رحلت عن الأهلي وكده، فبأتناقش معاهم ومحدش فيهم بيضايقني بأي حاجة".

واستطرد: "بعد ما مشيت من الأهلي لم يتواصل معي أي أحد من مسئولي النادي الأهلي، وزمايلي في الفريق أنا بعتلهم على الجروب الخاص بينا، وقولتلهم أنا ماشي، ومش عاوز حد يزعل مني، فكل اللاعيبة قالوا لي ربنا يوفقك في تجربتك الجديدة".

وتابع: "من ضمن الحاجات إللي ضايقتني بردو هو كلام أمير توفيق لما قولتله إني بأفكر في عرض بيراميدز فقالي معاك ساعة واحدة تفكر فيها وترد علي بموقفك من الاستمرار مع الفريق من عدمه".

اقرأ أيضًا: رمضان صبحي: ”مش ندمان على رحيلي عن الأهلي.. وفي حاجات حصلت مينفعش أقولها”

وأكمل: "بالنسبة لتصوير الإعلان وأنا ناوي الرحيل عن الأهلي، أنا مضيت الإعلام فعلًا بس أنا كنت على قوة نادي هيدرسفيلد، وأنا عقدي مع الأهلي كان منتهي يوم 31 يونيو، ولما وقعت لبيراميدز، مسئول شركة الإعلانات كلمني، وقالوا انت ممكن ما ترجعش مقدم العقد لأن ده حقك، ولكن قولتله اتفضل مقدم التعاقد".

واختتم: "أنا قابلت أمير توفيق بعد رحيلي عن الأهلي وانضمامي لنادي بيراميدز في الجيم، وروحت أسلم عليه، فحسيت إنه مكانش عاوز يسلم علي، وكانت معاملته مش كويسة".