”استنكار واعتذار”.. مصطفى درويش يضع كاملة أبو ذكرى في مرمى النيران

استنكر أبطال مسلسل "بـ 100 وش" هجوم مخرجة العمل كاملة أبو ذكرى على بعضهم مختصة منهم المبتدئين في التمثيل، بحسب ما كتبت في منشور لها، حيث اتهمتهم بالغرور.

وكتب أحد أبطال المسلسل الفنان مصطفى درويش، في منشور له عبر حسابه بموقع التواصل الاجتماعي "فيسبوك": "غرور ليه؟ إحنا مين أصلا؟ إحنا فعلا لسه الناس بتندهنا باسم الشخصية نفوق كده ونركز اللي عملنا هما الناس فبلاش نخسرهم".

وأضاف في منشوره، "والله والله أنا ما عارف الاستاذة كاملة بتتكلم عن مين بالظبط بس لو كنت أنا منهم ومعتقدش ده خالص فا أنا آسف جدا".

كما عاتب "درويش" مخرجة العمل حيث كتب لها: "بس أنا ليّا عتاب على حضرتك، أنتِ عارفة قيمتك عندنا كلنا، لو حد مننا غلط وحضرتك وجهتيه هيسمع الكلام وهيرجع عن اللي بيعمله".

وتابع: "حضرتك طلعتي مننا أحلى ما فينا تمثيل وإنسانيا كمان، فكان ممكن يكون الكلام بينا وبين بعض أحسن ما يكون الكل متهم بالشكل ده، والكومنتات تنزل تقول فلان وفلانه وبقينا كلنا موضع اتهام، آسف لو بقول كده بس حضرتك معودانا على قول الصراحة ما تخفش ولا تهاب من حد".

وحذفت كاملة أبو ذكرى منشورها الذي هاجمت فيه بعض أبطال مسلسلها "بـ100 وش"، الذي عرض في مارثون دراما رمضان 2020 محققًا نجاحًا كبيرًا، وكتبت عبر حسابها بـ"فيسبوك": "عرفت وسمعت واتأكدت أن بعض الممثلين المبتدئين من مسلسل (بـ100 وش)، بعد النجاح الفظيع المريع للمسلسل شافوا نفسهم، والغرور سيطر على تصرفاتهم".

اقرأ أيضًا: تعليقات نارية من أبطال ”بـ100 وش” بعد هجوم كاملة أبو ذكرى عليهم

تابعت: "عايزة أقولكم خسارة، الغرور مقبرة الفنان زي ما قلنا يوسف شاهين، ده أنتم لسه الناس ما تعرفش أساميكم الحقيقية، وبتشاور عليكم باسم الشخصية اللي قدمتوها، الغرور ممكن يقتلكم، وغرور ليه؟ إنتم مين أصلا؟ كلنا مين أصلا؟ دكتور مجدي يعقوب متواضع ولما تتكلم معاه بيحط راسه في الأرض، مجدي يعقوب بجلالة قدره، وربنا يهدي".