تعليقات نارية من أبطال ”بـ100 وش” بعد هجوم كاملة أبو ذكرى عليهم
أثار هجوم المخرجة كاملة أبو ذكرى، على بعض فناني مسلسلها "بـ 100 وش"، بعدما اتهمتهم بالغرور، استياء بعض الفنانين المشاركين في المسلسل.
مصطفى درويش
واستنكر الفنان مصطفى درويش، هجوم المخرجة كاملة أبو ذكري، حيث كتب: "غرور ليه؟ إحنا مين أصلا؟ إحنا فعلا لسه الناس بتندهنا باسم الشخصية نفوق كده ونركز اللي عملنا هما الناس فبلاش نخسرهم".
وأضاف في منشور له عبر حسابه الخاص بموقع التواصل الاجتماعي "فيسبوك"، "والله والله أنا ما عارف الاستاذة كاملة بتتكلم عن مين بالظبط بس لو كنت أنا منهم ومعتقدش ده خالص فا أنا آسف جدا".
وفي تعلق آخر كتب: "بس أنا ليّا عتاب على حضرتك، أنتِ عارفة قيمتك عندنا كلنا، لو حد مننا غلط وحضرتك وجهتيه هيسمع الكلام وهيرجع عن اللي بيعمله".
تابع: "حضرتك طلعتي مننا أحلى ما فينا تمثيل وإنسانيا كمان، فكان ممكن يكون الكلام بينا وبين بعض أحسن ما يكون الكل متهم بالشكل ده، والكومنتات تنزل تقول فلان وفلانه وبقينا كلنا موضع اتهام، آسف لو بقول كده بس حضرتك معودانا على قول الصراحة ما تخافش ولا تهاب من حد".
إسلام إبراهيم
كما رد الفنان الشاب إسلام إبراهيم، أحد أبطال المسلسل، على كاملة أبوذكري، حيث أعاد نشر صورة له مع الفنانة دينا ماهر، كانت "أبوذكري" نشرتها خلال مهرجان الجونة السينمائي، وعلق ساخرًا: "أنا ودينا براءة".
دنيا ماهر
وكتبت الفنانة دنيا ماهر، أحد المشاركين في المسلسل، على هجوم مخرجة العمل، وكتبت عبر "فيسبوك": "طيب قولي مين.. كلنا كده قيد الاتهام يا أستاذة".
زينب غريب
وردت الفنانة زينب غريب، أحد المشاركين في المسلسل، على منشور كاملة أبو ذكرى، حيث كتبت عبر حسابها بموقع "فيسبوك": "الفرصة اللي حضرتك اديتها لنا ومكناش نحلم بيها، متمناش أشوف حد مننا بيستغلها غلط، ومع حضرتك إن الغرور هو اللي بيقتل الممثل فنيا ويكون مجرد شكل ملهوش معنى، وأتمنى نفضل ناس بسيطة وعلى طبيعتها، ونكون العيلة اللي نفتخر بيها طول العمر".
منشور كاملة أبو ذكرى
كانت كاملة أبوذكرب هاجمت بعض أبطال مسلسلها "بـ100 وش" واتهمتهم بالغرور، مطالبة منهم التحلي بالتواضع، حيث كتبت: "عرفت وسمعت واتأكدت إن بعض الممثلين المبتدئين من مسلسل بميت وش بعد النجاح الفظيع المريع لمسلسل بميت وش شافوا نفسهم والغرور سيطر على تصرفاتهم".
وتابعت في منشور لها عبر حسابها بموقع "فيسبوك"، "عايزة أقولكم خسارة.. الغرور مقبرة الفنان زي ما قال لنا يوسف شاهين.. ده إنتم لسه الناس ما تعرفش أساميكم الحقيقية وبتشاور عليكم باسم الشخصية اللي قدمتوها".
اقرأ أيضًا: ”الغرور هيقتلكم”.. كاملة أبو ذكرى تهاجم بعض فنانين ”بـ 100 وش”
وأضافت: "الغرور ممكن يقتلكم.. وغرور ليه إنتم مين أصلا كلنا مين أصلا.. دكتور مجدي يعقوب متواضع ولما تتكلم معاه بيحط راسه في الأرض.. مجدي يعقوب بجلالة قدره.. و ربنا يهدي".
