أول رد من شيرين: ”حسام حبيب بيحبني أكتر من نفسه” (فيديو)
ردت النجمة شيرين عبد الوهاب، منذ قليل، في تسجيل صوتي لها، نشرته عبر حسابها الشخصي بموقع التواصل الاجتماعي "تويتر".
وقالت شيرين: "عايزة أطمن كل الناس اللي بتحبني، إن أنا بخير ومافيش أي نوع من أنواع الخطر عليا أو علي حياتي، بالنسبة للي حصل ومحتاج إني أنا أرد عليه، حسام جوزي اللي انا معشراه ده إنسان من انضف رجال الدنيا ومحترم ومتربي وبيحبني أكتر من نفسه، ومايستاهلش أبدا منكم كم القسوة ده، بس أنا مدياكم العذر عشان انتم متعرفهوش".
وتابعت: "عايزة أقولكم إن الراجل اللي ربنا حطه في طريقي في الوقت ده، في وقت أنا كنت فيه متكسرة ومتدمرة، هو بنالي شخصيتي وخلاني أعرف أتكلم، رجعلي لنفسي تاني الثقة، حسام ربنا هو اللي بعتهولي، فربنا مبيعمليش حاجه وحشة، من ساعة ما أتجوزنا معملش أي حاجه ومستفادش أي حاجه، هو عايش عشان يخاف عليا وعلى عيالي من كل شر".
وأضافت عن حماتها: "الست اللي ربنا راجل أخلاقه كده أكيد ست عظيمة، حسام إنسان عظيم وأمه ست عظيمة، بتمنى منك إنكم تدعولنا بالذرية الصالحة، وبقولكم مافيش أي حاجه خالص، حسام إنسان نقي ونضيف ربنا اللي بعتهولي".
اقرأ أيضا: عاجل | والد حسام حبيب يثير الجدل بمكالمة مسربة عن علاقة نجله وشيرين عبدالوهاب
وتصدر اسم الفنانة شيرين عبد الوهاب محركات الأعلى بحثًا عبر موقع "جوجل" خلال الساعات الماضية بعد انتشار تسجيل صوتي منسوب لوالد حسام حبيب، تحدث خلاله عن تحكم ابنه في حساباتها البنكية، وتخطيطه للزواج سرًا من أخرى، وأكد كره والدة حسام لزوجة ابنها، واعتبارها من طبقة اجتماعية غير ملائمة، رغم أن شيرين هي من تتولى الانفاق على عطلات حماتها الصيفية متحملة كافة التكاليف المادية.