هيتعملي حفلة غير طبيعية.. عمرو أديب: «أنا بقيت خايف أموت» - فيديو
علق الإعلامي عمرو أديب، على ما قام به البعض، من الخوض في حياة الفنان هشام سليم بعد وفاته، قائلا: "هشام سليم مات، مالكم أنتوا باللي حصله".
وقال أديب، خلال برنامجه "الحكاية"، المذاع على قناة إم بي سي مصر: "ليه بقالنا سنتين مش بنسيب الناس اللي ماتوا في حالهم، ليه بقيتوا متوحشين كده، الحكم على إنسان مات هيفيدكوا بإيه؟".
اقرأ أيضًا: شاهد.. عزة مصطفي تعلق على شائعة تأجيل المدارس والجامعات
وأضاف أديب: "هو إحنا ليه مبقيناش نعرف نسيب حد يموت في سلام، هو أنت مال أهلك، ده أنا بقيت خايف أموت علشان هيتعملي حفلة غير طبيعية".
وأكمل أديب: "أنا خايف أموت والله مش خوفا من الموت لكن من اللي هتعملوه، أنا مش عايز أموت عشان اللي أنتم بتعملوه ده، أكيد هتعملوا معايا واجب".
وواصل: "لو سمحتوا لما أموت ابقوا قولوا الله يرحمه بس".
اقرأ أيضًا: استشاري: حملة التطعيم ضد كورونا في شرم الشيخ لتقليل فرص العدوى.. فيديو