مرتضى منصور يرد على الحضري: ”الزمالك طردك.. وإنت بكيت علشان تلبس التيشيرت الأبيض” (فيديو)

هاجم مرتضى منصور رئيس مجلس إدارة نادي الزمالك، عصام الحضري حرس مرمى الفريق السابق، ردًا على تصريحاته عن الفترة التي قضاها داخل جدران القلعة الحمراء.

تحدث عصام الحضري عن فترة تواجده في صفوف نادي الزمالك، حيث قال: "أنا لعبت في الزمالك كلاعب محترف، ولكن أربع شهور في الفريق، لم تكن جيدة في مسيرتي،".

و"أنا كنت موجود في فترة عدم استقرار جوه النادي، علشان كدة احترفت للمريخ السوداني، وبتمنى محو الفترة مع الزمالك من الذاكرة ومن تاريخي لأني كنت غير موفق".

رد مرتضى منصور: "حسام وإبراهيم حسن هما اللي تعاقدوا مع عصام الحضري، قبل 9 سنين، لما كان مطرود من الأهلي، وأخد جولته واحترف في سويسرا وبعد كدة رجع مطرود".

وأضاف خلال تصريحات عبر قناة "الزمالك": "الحضري في الإسماعيلي تسبب في 15 ألف مشكلة، والحارس عيط لحسام وإبراهيم علشان يجيي الزمالك".

وأكمل: "الحضري شتم عماد المندوه علشان كان عايز يشارك أساسي على حساب عبدالواحد السيد".

وواصل: "نادي الزمالك لا يتشرف أنك لبست التيشيرت بتاعه في يوم من الأيام، وأوعى تفتكر أنك الحارس التاريخي، دا جامايكا هو اللي بيتصدى للكرات بدلا منك، واشترطت عليك التعاقد مع الجن بتاعك، لما جيت الزمالك".

اقرأ أيضًا: عصام الحضري: إكرامي والشناوي اتهموني بالسحر

واختتم رئيس الزمالك: "الحضري باس الأيادي علشان ينضم للزمالك، أنت معندكش تاريخ، تاريخ كله الفانوس السحري وجاميكا".