شاهد فيديو ابنة الممثل محمد شومان تهاجم أبيها الهارب وتطلب مساعدتها
ننشر فيديو ابنة الممثل محمد شومان وهي تهاجم أبيها الهارب وتطلب مساعدتها، حيث تصدر اسم الفنان الهارب مؤشر البحث جوجل ومواقع التواصل الاجتماعي المختلفة، بعد هجوم ابنته عليه وتبرؤها منه ردا على البيان الذي أصدره والذي ناشد فيه السلطات بسرعة التدخل للإفراج عن أفراد أسرته لاعتقالهم من قوات الأمن على حد قوله.
تريند محمد شومان
حالة كبيرة من الجدل أُثيرت على مواقع التواصل الاجتماعي وأصبح حديثا ميديا والمواقع الاخبارية، فحديث ابنته عليه لم يكن عاديا ربما أشبه بالنيران التي التهمته.
صباح اليوم الإثنين فتحت "لوجين" ابنة شومان النيران على ابيها من خلال فيديو بثته عبر حسابها الخاص بموقع "فيس بوك"، كتبت فيه: "اضطريت آسفة أعمل الفيديو ده بعد ما تجنبته لسنين، لأسباب كتير قوي منها أن ناس قليلة جدا اللي تعرف أنك بابايا، فعلا كان نفسي أكمل كده ومحدش يعرف، ده رد على البيان اللي محمد شومان أصدره النهاردة على صفحته".
وقالت في الفيديو موضحة أن أبيها مجرد اسم على بطاقة: ، "أنا لوجين شومان ابنة محمد شومان اللي أصدر بيان النهاردة بيناشد السلطات أنهم ينقذوا أسرته اللى بيموتوا بالبطئ، أسرته اللي هو أنا وأختي وأخويا أحمد وأنهم يفرجوا عن أخويا من غير أي شروط، الأول عاوز أعلق على كذا حاجة في البيان أننا مش أسرتك علشان أنت مجرد اسم على البطاقة، وإحنا مالناش صلة بيك وقطعنا كل ما له علاقة بيك من 5 سنين".
وتابعت لوجين: "وابنك اللي بتناشد السلطات علشان تطلعه اللي أنت ماتحملتش مسئوليته من وهو عنده سنة ونص واللي أمه ربته أنت مش رب أسرتنا، إحنا رب أسرتنا أمنا، ورب أسرة أحمد أمه أنت مش مسئول عننا ولا مسئول مننا، مش من حقك تطلع في بيان تتكلم بلسانا، إحنا مطلبناش منك ده أنت بتتكلم عن أخوك وابنه بس مالكش دعوة بينا، وبيتحقق معاه علشان يتأكدوا أنه ما فيش صلة بيك تماما، وده هما عارفين ده كويس وهيطلع.. ماتدخلش أرجوك".
وأضافت: "لو عاوز تعمل صورة الأب، انزل وواجه ده بنفسك، بس ماتبقاش قاعد فى بلد تانية وإحنا ملناش أي صلة بيك وتتكلم باسمنا، حاولنا نشيل اسمه ونرفع قضايا بس ماعرفناش وبنوجه رسالة للسلطات لو هما يعرفوا يساعدونا نعمل ده وازاي نتبرأ تماما منه إحنا بنحاول خليكوا معانا، وأرجوك ماتتكلمش بلسانا، وماطلعش بيانات إحنا وأنت عارفين إن أنت بتعمل ده بس علشانك".
فيديو ابنة الممثل محمد شومان تهاجم أبيها
وانهت حديثها قائلة ، "بتتكلم عن فيلم وبتعمله له دعايا على قفانا، مش عارفة المفروض أقولك ايه الحقيقة، أنت بتقول إن أسرتي بتموت بالبطئ، ووجودنا هنا أذى لينا، إحنا موجودين هنا طول السنين دي بإرادتنا مافيش أذى من الدولة علينا، وجودك هو الأذى الوحيد فى حياتنا، أنت هناك علشان ده قرارك أنت لوحدك ان انت تكمل هناك وإحنا هنا علشان عاوزين نفضل هنا وكملنا حياتنا وبنيناها من غيرك".
محمد شومان يعد واحدا من ضمن ثلاث فنانين حرضوا على الدولة المصرية وانضموا إلى جماعة الإخوان الإرهابية وهم هشام عبد الحميد وهشام عبدالله، وعقب ثورة يونيو سافر إلى تركيا، منضمًا للعاملين بقناة الشرق الإخوانية، وذلك لتقديم الأحداث في مصر بواقع هزلي، ساخرًا من الحكومة المصرية.
اقرأ أيضًا: بعد هجوم ابنته عليه.. من هو الفنان الهارب محمد شومان وكيف انضم للإخوان؟
وشارك شومان والفنان الهارب هشام عبد الحميد، في فيلم بسبوسة بالقشطة الذي عرض مؤخرًا ضمن فاعليات المهرجان الأوروبي، وهو فيلم قررت عناصر الجماعة الإرهابية إنتاجه للتحريض على الدولة المصرية وإذاعة البلبة والفوضى.
