”صباعها كان هيتقطع من الحسد”.. زوج كارمن سليمان ينفعل على الجمهور (صورة)

أعرب الملحن مصطفى جاد، زوج الفنانة كارمن سليمان، عن استيائه الشديد من بعض المتابعين الحاسدين، بسبب التعليقات السلبية من البعض على صوره وزوجته وحياته اليومية التي يشاركها على السوشيال ميديا.

وخرج مصطفى جاد عن صمته برسالة حادة وجهها لجمهوره عبر حسابه الخاص بموقع "فيس بوك" من خلال خاصية الأستوري، حيث كتب: "قسمًا بالله عمري ما كنت من اللي بيشتكي بصور حاجة من المصايب اللي بتحصلنا عشان مش ذنب الناس تشوف حاجات وحشة وننقلهم طاقة سلبية" .

وتابع: "بس بجد فيه بشر مريضة ومليانة غل وحقد وقرف والحسد بقى عيني عينك، و بجد أنا قرفت وتعبت وأعصابي مبقتش مستحملة اني أسكت على الناس دي، واللي هيقع تحت إيدي منهم همسح بكرامة أهله الأرض، عشان أنا عندي لسان وبعرف أرد، وبعرف آخد حقي قوي".

وأضاف:"الحسد وقعه وحش قوي جسديًا و نفسيًا وأنا معنديش أغلى من عيلتي عشان كده كلامي منفعل شويه .. كارمن إنهارده كان صباعها هيتقطع حرفيًا لولا ستر ربنا وكرمه واحترامًا لرغبتها مش هنزل الصور وعشان برضه الناس ملهاش ذنب تشوف حاجات زى كده واللي حصل حصل تزامنًا مع الصورة اللطيفة اللي تحت دي لنا الله و ربنا يصفي قلوبنا".

اقرأ أيضا: بعد نشر برومو ”النهاية”.. يوسف الشريف يتربع على محركات البحث

يُشار إلى أن آخر أعمال الفنانة كارمن سليمان أغنية "بصاتك"، التي طرحتها مؤخرًا على طريقة الفيديو كليب وحققت نجاحًا كبيرًا، واقتربت من 2 مليون مشاهدة منذ طرحها، والأغنية من ألحان مصطفى جاد.