بعد دفاعها عن حنين حسام.. راندا البحيري: ”مستكترين عليها الدعاء وبتشتموني”
دافعت الفنانة راندا البحيري عن الطالبة حنين حسام، التي ألقي القبض عليها أمس بتهمة التحريض على الفسق والفجور، بعد الجدل الذي أثارته جراء الفيديو الذي ظهرت فيه عبر تطبيق تيك توك، ودعت من خلاله الفتيات باظهار مفاتنهن للرجال مقابل مبالغ مالية.
وشاركت راندا البحيري، جمهورها ومتابعيها عبر حسابها الخاص بموقع تبادل الصور والفيديوهات "إنستجرام"، صورة لحنين حسام.
وعلقت على الصورة كاتبة: "ربنا يفك كربها يارب.. بحق الأيام المفترجة دي يارب"، لكن سرعان ما لاقت تغريدتها هجوما شديدا من قبل المتابعين.
وعاودت البحيري الرد بالقول: "يا جماعة هو إحنا بقينا صعبين كده ليه، بنت طفله صغيرة، سني تقريبا ضعف سنها، عرفت أنها بايتة في القسم ربنا ما يكتب ده على حد، متخيلين يعني ايه واحدة عندها أهل وبيت أكيد زعلانين عليها، بايتة في القسم دلوقتي، انتوا مستكترين عليها الدعاء؟؟ وبتشتموني؟؟؟".
وأضافت: "طيب يا سيدي انت وهو ربنا يكرم أصلك، وشكرا على الشتايم، خليني آخد حسنات وتاخدوا انتوا ذنوب، هو انتوا لو الواحد حتى غلط في المجتمع ده مينفعش إنه يتوب مينفعش حد بدعيله؟؟؟؟؟؟ ليه كده؟؟؟؟ ده باب التوبة عند ربنا مفتوح؟؟؟ وعندكم مقفول في وش الناس كلها".
اقرأ أيضًا: عاجل| بلاغ للنائب العام ضد سما المصري بتهمة نشر الفسق والفجور
كانت الفتاة حنين حسام إحدى طالبات كلية الآثار، دعت الفتيات لخروج فى "لايفات" على تطبيق "لايكى"، قائلة: "هتيجيبوا 100 عميل أو أكتر، هتفتحوا الكاميرا من خلال لايف، وكل اللي محتاجاه منك يكون عندك نت وإضاءة كويسة، مش مطلوب منك غير إنك تظهري وجهك، وتكوني جميلة، وعمرك مش أقل من 18 سنة".
