عاجل| أيمن بهجت قمر يتراجع عن الاعتزال لهذا السبب
فاجئ الشاعر أيمن بهجت قمر متابعيه وجمهوره بقرار تراجعه عن الاعتزال، وجاء ذلك بعد نجاح كلمات أغنيته "سنة الحياة" لإحدى شركات الاتصالات، وأغنيته "مهرجان" للهضبة عمرو دياب.
وكتب أيمن بهجت قمر عبر صفحته الشخصية بموقع التواصل الاجتماعي "فيسبوك": "سنة الحياة ٢٨ مليون مشاهدة على اليوتيوب و٢٦ مليون على الفيس بوك في عشر أيام وOrange شالوا المديونية اللي عليا وييرجعوا لي الخط القديم كمان".
وأضاف: "كل دي أخبار تفرح وتفتح النفس وكده أقدر أنفذ وعدي اللي وعدته لأورانج واسمع لضغوط مراتي وولادي وأصحابي وكل الناس الحلوه اللي إدت من وقتها وكلمتني وكتبت لي".
واختتم كلامه: "وبعد ما نفسيتي هديت خصوصًا كمان مع نجاح أغنية مهرجان مع الهضبة وكلامه عني وكلامه ليا وتشجيعه.. أنا هكتب أغاني تاني".
.JPG)
اقرأ أيضًا: ”قلقانة عليك من اللي جاي”.. نور اللبنانية توجه رسالة للفنان محمد رمضان
يذكر أن الشاعر أيمن بهجت قمر أعلن اعتزاله كتابة الأغاني منذ فترة قائلًا: "بقالي فترة بفكر جديَا في اللي هقوله أنا قررت أن أغنية مهرجان هي آخر أغنية أنا هكتبها وهعتزل تأليف الأغاني".
وأضاف: "هنتج بس وهكتب أفلام ومسرح بس أنا بقالي ٢٨ سنة بكتب أغاني وطول الوقت في توتر.. عاصرت أجيال كتير من ١٩٩٢ لحد دلوقتي وخلاص قررت ارتاح من السبق ده".
